Pyetje:
Doktor jam shumë e shqetësuar. Unë jam 22 vjec. Kam 4 vjet që kam lidhje me një djalë, por akoma nuk e kam arritur orgazmën në marrëdhënie seksuale, edhe pse ne bëjmë paralojë të zgjatur po asnjëherë nuk e arrijë. Orgazmën e kam arritur duke shtrënguar këmbët dhe duke i fërkuar, cila është arsyja që nuk mund ta arrij kur kam marrëdhënie seksuale? A egziston ndonjë hap që të stimulon më shumë, frajeri im kurrë nuk e ka kuptuar që unë nuk e arrij dot orgazmën dhe nuk dua ta di. Shpresoj që një ditë të kem një jetë seksuale të mirë . Doktor pres përgjigjen tënde.
Përgjigje:
Ti e arrin orgasmën duke u vetë masturbuar, kjo tregon se ti je e aftë të arrish orgasma dhe do t’i arrish ato kur të mësosh më shumë ti dhe shoku yt. Kjo është me shumë rëndësi, sepse ka shumë vajza e gra që nuk e arrijnë orgasmën kurrë.
Bëni lojë të zgjatur seksuale. Përdorni pak lubrifikant si K-Y të cilin duhet ta merrni në farmaci, ose dy pika vaj ulliri. Kërko nga djali të bëjë gjithcka që ty të duhet. Në qoftë se duhet të përkëdhel klitorin tënd ti duhet t’ia kërkosh e ai duhet ta bëjë këtë. Po qe se ti ndjehesh më mirë kur ai lëpin klitorin, kërkoja ta bëjë këtë dhe ai duhet ta bëjë.
Përkëdheljen e klitorit duhet ta vazhdojë djali edhe kur ka penetruar në vaginën tënde. Me penisin brenda teje ai të spostohet pak anash, të lëri vend që me dorë të përkëdhelë klitorin tënd. Ti vetë mund të automasturbosh(të përkëdhelesh klitorin tënd)ndërkohë që djali të ka penetruar.
Po qe se djali si shumë djem të tjerë prishet shumë shpejt, përpara se ti të kesh arritur eksitimin maksimal, ai duhet të edukohet që ta zgjatë kohën e prishjes. Për këtë në blog ka materiale. Tek kategoritë kërkoni “Ejakulacioni Praecox” ose “Prishja Para Kohe” dhe lexoini të dy. Atje ka disa ushtrime që duhet të dy t’i kryeni sic janë “ushtrimet e Kegelit”, “Ushtrimet Fillo-Ndalo” dhe “Pickimi i Kokës së Penisit”. Ka shumë gjëra që mund të bëni. Kryesorja është që ju të dy të mësoheni e të bëheni më intimë me njëri tjetrin. Ju jeni të rinj dhe ju do të arrini orgasma të mrekullueshme. Edhe dicka tjetër. Djali mund të prishet parakohe, por ai nuk duhet ta ndërpresë eksitimin tënd pa kaluar edhe ti në orgasmë. Të vazhdojë me gishta dhe me gojë eksitimin e vaginës dhe klitorit tënd, derisa ti të arrish orgasmën.
Paci fat e kënaqësi
Doktori