A jam shtatzanë?

Pyetje:
Doktor jam një vajzë rreth të shtatëmbëdhjetave dhe kam tre javë qe kam kryer marrëdhënie për herë të parë dhe nuk më kanë ardhur menstruacionet në datën e duhur. Menstruacionet i kam patur gjithmonë të regullta dhe kam frikë mos kam ngelur shtatzanë apo ka ndonjë shpjegim tjetër ?? Ju lutem pres përgjigjen tuaj.

Përgjigje:
Nuk më thua ke bërë interkursë pa asnjë lloj mbrojtje? Ky është gabim shumë i madh. Kam thënë se për seks të sigurtë vajza duhet të marrë një kontraceptiv dhe djali duhet të veshë kondomin. Në qoftë se menstruacionet vonojnë më shumë se 8-10 ditë pas kryerjes së interkursës pa mbrojtje, gjëja e parë që shkon në mëndje është shtatzënia. Ti mund të kesh mbetur shtatzënë. Shko në farmaci ose në Planifikimin Familjar, të marrësh një test që e bën vetë në shtëpi, për të përcaktuar je ose jo shtatzënë. Nëse testi del negativ, këto testet e shtëpisë nuk janë shumë preçize, shko të vizitohesh tek një mjek obstetër ose tek një mami.
Mund të ketë edhe arsye të tjera që të ndërpriten menstruacionet, por ato janë të rralla, ndaj fillimisht përjashto shtatzëninë.
Uroj që të kalojnë këto telashe që ke, por herë tjetër mos bëj seks të pambrojtur. Edhe njëherë, merr një kontraceptiv dhe djali të veshi kondomin.
Uroj shëndet dhe fat
Doktori