Pyetje:
Doktor,
Jam i interesuar të di se si e përcaktoni ju virgjërinë?
Unë dhe dashnorja ime nuk kemi kryer kurrë marrëdhënie të mirëfillta seksuale. Ne të dy, shpesh, kemi kryer “veprime seksuale imtime” dhe seks oral.
A duhet ta quajmë veten ne të dy, akoma, të virgjër?
Faleminderit.
Përgjigje:
Ndonëse ju e bëni pyetjen shumë thjeshtë, definicioni për termin “i virgjër” është shumë kompleks.
Për disa njerëz , i virgjër është ai person, djalë ose vajzë, që nuk ka kryer interkursë seksuale, siç jeni edhe ju. Kjo do të thotë që nuk kanë kryer penetrim të penisit në vaginë. Për të tjerë i virgjër është ai që nuk është angazhuar në asnjë lloj akti intim seksual, përfshi dhe puthjen e thellë, prekjet gjenitale dhe seksin (oral, vaginal ose anal). Ka të tjerë që lejojnë një farë lloj intimiteti, si puthjet dhe prekjet poshtë mesit, ndërkohë që i përjashtojnë aktet e tjera seksuale.
Disa njerëz besojnë se ata janë të virgjër edhe kur kanë bërë seks me persona të gjinisë së tyre (homoseksualë),? por nuk kanë bërë seks me një person të gjinisë tjetër. Shumë të tjerë, besojnë se ata që kanë bërë seks me partnerë seksualë të të njëjtës gjini, e kanë humbur virgjërinë. Të tjerë, mendojnë se njerëzit që kanë? qenë të përdhunuar seksualisht dhe nuk kanë bërë seks me dëshirë, duhet të konsiderohen, akoma, të virgjër.
Pse ka kaq shumë variante përcaktimi i virgjërisë ?
Sepse definicioni i virgjërisë, shpesh, është? shumë personal dhe varet nga feja që personi beson, nga kultura që ka, nga kultura popullore, nga historia dhe nga influencat familjare që respektojnë vlera të ndryshme, për familje të ndryshme.
Disa njerëz dëshirojnë të mbeten të virgjër për arsye të tyre kulturore dhe fetare. Të tjerë duan të ruajnë dëlirësinë dhe pastërtinë. Ndërsa të tjerë , thjesht, nuk duan të bëjnë seks, ata janë, siç i quajnë sot, aseksualë.
Ashtu siç mund ta dini, ideja e virgjërisë është shumë e vjetër. Në Greqinë e Vjetër? dhe në Romë, termin virgjëri? e përdornin për gratë? ose për një perëndeshë që ishte e pavarur, e pa zotëruar nga ndonjë burrë, zonjë e vetes së saj. Vetëm më vonë, kjo filloi të aplikohej për virgjërinë seksuale. Kur kuptimi i termit ndryshoi, që të mbeteshe i virgjër deri në martesë, kjo do të thoshte garanci që gruaja mbronte nderin e familjes,? duke kaluar nga babai tek burri e “papërlyer”.? Për arsyen se në atë kohë nuk kishte mjete të sigurta për kontrollin e lindjeve edhe bebet, gjithmonë, duhet të lindin nga çiftet e martuara.
Është normale që ju të pyesni në se ju të dy konsideroheni akoma të virgjër dhe për sa kohë akoma do të mbeteni të tillë?
Është krejtësisht normale, që ju vetë të përcaktoni definicionin tuaj për virgjërinë. Pra ka rëndësi që ju të përcaktoni për veten tuaj se çdo të thotë i virgjër për ju të dy. Ty dhe dashnorja juaj bëni mirë të filloni një bisedë të hapur, për mënyrat e shumta që u bëjnë juve seksualisht dhe emocionalisht intimë. Pas kësaj bisede, ju të dy do të arrini një definicion të përshtatshëm për ju të dy, për të cilin do të jeni të kënaqur dhe dakord.
Si për të gjitha zonat gri në jetë, vetëm ju, mund ta përcaktoni në se jeni, ose jo, akoma, i “virgjër”. Ju mund t’u ndihmojë në gjetjen e këtij përcaktimi dashnorja juaj, familja juaj, miqtë tuaj, mësuesit, prifti, këshilltari, librat, artikujt, ose burime të tjera. Në fund të fundit, përcaktimi i një fjale, në dukje kaq të thjeshtë, mund t’u çojë në një proces më të thellë të vetë-zbulimit dhe të rritjes tuaj emocionale.
Paçi shëndet e fat
Doktori