A shkakton dhimbje penisi i madh?

penPyetje:
Përshëndetje doktor,
Jam një studente në moshën 21 vjeç dhe jam lidhur me një djalë të moshës time. Gjatë marrëdhënies ndiej dhimbje të shumta në vaginë. I dashuri im e ka penisin pak si të madh. Mos ndoshta është nga ky fakt? Ju lutem më ktheni një përgjigje se çfare mund të bëj që ti ndaloj dhimbjet?
Faleminderit për mirëkuptimin .

Përgjigje:
Po ta them që në fillim, se është shumë gjë e rrallë, që penisi shumë i madh, të jetë shkak për dhimbjet gjatë seksit. Vagina është një organ elastik që adaptohet ndaj çdo penisi, i vogël, ose i madh qoftë ai.
Dhimbjet gjatë seksit, kanë shumë arsye, më të shpeshtat janë arsyet që po i rendis në artikullin e më poshtëm.
Lexojeni të dy me kujdes, dhe mundohuni ta bëni jetën seksuale të kënaqshme dhe të lumtur.
Të uroj fat e shëndet
Doktori

SEKSI DUHET TË JETË KËNAQËSI, JO DHIMBJE
Seksi, supozohet, të jetë kënaqësi për të gjitha vajzat dhe gratë. Por, e vërteta nuk është kështu. Për disa? vajza e gra ,seksi është dhimbje, mundim, shqetësim, nje torture e vertete.
Në qoftë se ti je një nga ato, që mendojnë, se gjithkush, me përjashtimin tënd, kënaqet me seksin, e ke gabim. Ti nuk je vetëm.? Sipas një studimi të madh, të kryer vitet e fundit në Amerikë, 43% e grave? dhe grave nuk ndjehen mirë me seksin. Sic e shikoni nuk janë pak, janë, afërsisht, gjysma e grave.
Pse ndodh kështu?
Ka pesë gjendje seksuale që e prishin seksin. Këtu më poshtë do t’i përshkruaj ato dhe do të përpiqem t’u jap zgjidhjen. Shpresoj t’u ndihmoj që edhe ju të ndjeheni mirë me seksin.

1-Kur keni humbur dëshirën për seks.
Kjo është ankesë e shumë grave dhe e partnerëve të tyre. Burrat e këtyre grave, gabimisht, mendojnë se ata nuk janë më tërheqës për gratë e tyre.
Shkaku i vërtetë për humbjen e dëshirës për seks dhe prishjen e jetës seksuale të grave është stresi, tejlodhja dhe shpërqendrimi.
Faktorë të tjerë që bëjnë të humbasë dëshira e grave për seks janë:
a-? ? pikëpamjet e gabuara dhe të prapambetura për seksin.
b-? ? Frika nga shtatzënia e padëshiruar.
c-? ? ? Eksperiencat seksuale të kaluara të këqija.
d-? ? Mungesa e kënaqësisë emocionale nga marrëdhënia seksuale.
Të gjitha këto e bëjnë shtratin martesor të duket sikur i ka çarçafët e lagur.
Mungesa e dëshirës për seks, është problemi seksual më kompleks dhe shkaqet për të janë shumë individuale. Por, ndodh jo rrallë, që edhe kur kokat dhe zemrat tuaja janë në sinkron, disa sëmundje si diabeti, fibromialgjia dhe prishja e ekuilibrit hormonal (nga çrregullime të thyroides ose prej menopauzës), mundet ta flakin tej jetën tuaj seksuale dhe bashkë me të edhe dashurinë.
Rënia e jetës seksual, shpesh, bën që të bien edhe? marrëdhëniet martesore në tërësi, të cilat përfundojnë në divorc. Por, është e vërtetuar, se përdorimi i terapisë hormonale zëvendësuese, e rikthen jetën seksuale, përmirëson marrëdhëniet me burrin dhe shumë çifte të divorcuara rimartohen.
Si ta rifitoni dëshirën për seks?

•? Sapo të identifikoni shkakun e rënies së dëshirës për seks, për të rikthyer ngrohtësinë midis çarçafëve, ju duhet të përpiqeni të pakësoni stresin, të rritni nivelin e energjive tuaja, të mbani dietë të shëndetshme dhe të ushtroheni? fizikisht. Këto do të ndihmojnë ta ndizni përsëri zjarrin.
• Një mënyrë e mirë për të rifituar dëshirën për seks, është edhe kjo: Para se të bini për të fjetur, vini alarmin e orës që të bjerë 90 minuta pasi keni fjetur. Ngrihuni, bëni bashkë një dush që të rifreskoheni dhe pas kësaj bëni seks. Kjo do t’u relaksojë? dhe do t’u ndihmojë të flini përsëri. Ju mund t’u duket kjo skeptike, por, provojeni dhe do të shikoni çdo të ndodhë. Kjo mënyrë bën që ju të përfitoni nga avantazhi që ka cikli i parë i gjumit, kur eksitimi seksual është në pikun e tij. Këto 90 minuta të para të gjumit, janë ato në të cilat ne shohim ëndrrat, janë ato që thurim fantazitë seksuale. Kjo periudhë e gjumit quhet periudha REM, ose e lëvizjeve të shpejta të syve(rapid eyes mouvment).
•? Rishikoni me kujdes marrëdhënien tuaj. Sa shumë konflikte keni? A harxhoni shumë kohë bashkë? A të dëgjon ai? A komunikoni me njëri-tjetrin? Këtë duhet ta bëni, sepse mungesa e dëshirës mund të jetë pasojë e një problemi tjetër në marrëdhënien tuaj. Ristrukturoni gjithë jetën tuaj dhe ta bënin marrëdhënien bashkëshortore prioritet të saj.
• Largoni mendimet e këqija.
• Zgjeroni opsionet seksuale. Seksi nuk është të fusni pjesën A tek pjesa B. Gruaja mund të dojë një fërkim të shpinës, ose një përqafim. Njerëzit duhet të njohin pjesët e ndryshme të trupit të njëri-tjetrit dhe të dinë se çfarë duan që të kënaqen. Partnerët duhet të komunikojnë me njëri-tjetrin, për të gjitha gjërat që ata i ndjejnë si seksuale.

2-Kur ju mungon eksitimi seksual

Njerëzit, gabimisht, mendojnë, se gruaja është e eksituar plotësisht kur ajo laget. Kjo nuk është e tëra. Eksitimi seksual është më shumë se lubrifikimi.
Kur gruaja është e eksituar plotësisht ndodhin ndryshime të shumta në organet e saj gjenitale. Kështu, klitori dhe indet rreth tij mbushen me gjak. Kjo bën që lëngjet të dalin nga vazat e gjakut në vaginë. Kjo është lagja, por kjo nuk është eksitimi seksual i plotë. Kur gruaja eksitohet plotësisht seksualisht, pjesa e sipërme e vaginës, mitra, qafa e mitrës dhe klitori fryhen e balonohen.? Pjesët e poshtme të vaginës dhe buzët ënjten dhe e ngushtojnë hapjen vaginale, që ta mbështjellin më mirë penisin e erektuar. Të gjitha këto ndryshime tregojnë se trupi juaj është eksituar dhe është bëre gati për të pritur penisin e erektuar.
Kur gruaja nuk është e eksituar sa duhet, i gjithë procesi që përshkruam më sipër ndërpritet. Gratë e përshkruajnë këtë gjendje, “sikur janë të vdekura atje poshtë.”
Pse ndodh kjo?
Shumë nga ato gjëra që përshkruam më sipër dhe që frenojnë dëshirën për seks, janë përgjegjëse edhe për uljen e eksitimit.? Kur mungon lubrifikimi dhe vagina është e thatë dhe jo komforte, gruaja, nuk do të ndjejë asnjë ngacmim seksual.
Kjo ndodh kur gruaja nuk është e aftë t’i largojë shqetësimet e saj të përditshme. Ajo nuk mund të relaksohet. Ajo mendon për provimin që ka fëmija. Por, kjo mund të ndodhë edhe kur ajo, vërtet, nuk e do burrin e saj. Të gjitha këto e pengojnë eksitimin seksual të gruas.
Si ta rifitoni eksitimin seksual?
Përdorimi i lubrifikantëve vaginalë me bazë ujore, ndihmon në këto raste. Mos përdorni lubrifikante me bazë vaji, sepse ato shkatërrojnë kondomet latex dhe diafragmat, duke prishur? mbrojtjen nga shtatzënia e padëshiruar dhe nga sëmundjet seksualisht të transmetueshme.
Në qoftë se thatësia vaginale ka për shkak uljen e nivelit të estrogjenit, në këtë rast terapia zëvendësuese hormonale, do ta mbajë të shëndetshme shtresën e brendshme vaginale dhe do të ndihmojë lubrifikimin.
Doktori mund t’u japë estrogjen në shumë forma të ndryshme, siç janë kremi me estrogjen, ngjitëset në lëkurë me estrogjen, unaza, ose tabletat me estrogjen që futen në vaginë.
Mos e përdorni kremin e estrogjenit si lubrifikant. Trupi do të absorbojë sasi të vogla të tij, çdo herë që do ta përdorni. Por, shumë estrogjen mund të jetë i dëmshëm për shëndetin.
Evitoni përdorimin e antihistaminikëve. Ashtu siç thajnë mukozën e hundës tuaj, ata, ashtu do t’u thajnë edhe atje poshtë.
Disa mjekë rekomandojnë suplementet orale që përmbajnë amino L-arginine. Kjo rrit lubrifikimin vaginal dhe bashkë me të kënaqësinë.

3- Anorgasmia.
Kjo është paaftësia për të arritur orgasmën prej çdo lloj seksi. Kjo gjendje është më e shpeshtë tek gratë. Siç e kam thënë edhe herë të tjera, vetëm rreth 30% e grave e arrijnë orgasmën nga interkursa seksuale.
Pse ndodh anorgasmia?
Shkak pse ju nuk lëshoni fishekzjarrë mund të jenë disa probleme mjekësore si diabeti, skleroza multiple dhe kanceret gjinekologjike.? Shkak mund të jetë përdorimi nga gruaja i antidepresantëve.? Studimet tregojnë se rreth 70-80% e grave? që marrin SSRIs(selective serotonin reuptake inhibitors),një klasë antidepresantësh, vuajnë nga anorgasmia.
Veç antidepresantëve, ka edhe shumë barna të tjera, që e ulin dëshirën e gruas për seks. Midis tyre janë barnat që përdoren për uljen e tensionit të gjakut, antikonceptivët e të tjerë.
Një arsye tjetër për anorgasminë është kur gruaja nuk e di ç’është orgasma? dhe si arrihet ajo. Gruaja nuk di vetë dhe nuk i ka mësuar as partnerit, vendet e ëmbla në trupin e saj.
Si mund të ndihmoheni?
Eksploroni çdo rajon të trupit tuaj. Ju mund të çuditeni nga kjo që do t’u them tani: Shumë gra nuk dinë se si duket trupi i tyre, veçanërisht, zona e tyre gjenitale.
Tani është koha që të merrni një pasqyrë dore dhe të ekzaminoni veten tuaj. Vendoseni pasqyrën midis kofshëve dhe shikoni si duket organi juaj gjenital. Pas kësaj lërini gishtat të marrin rrugët. Përdorini ata që ta prekin trupin tuaj në një mënyrë jo seksuale, por të kënaqshme. Bëni vetë-masazh. Bëni një banjë, ose dush të nxehtë dhe eksploroni? të gjithë trupin tuaj. Provoni se çfarë u bën ta ndjeni veten mirë. Kur të ndjeheni mirë, çojini? duart në gjenitalet? tuaja. Ngacmoni klitorin, vatrën G, madje, edhe ngacmimi i qafës së mitrës mund t’u çojë në orgasmë. Kërkoni dhe gjeni mënyrën e eksitimit që ka sukses për ju. Mësoni si ta gjeni vatrën G. Për këtë kam shkruar herë të tjera.
Tani që mësuat të përgjigjeni seksualisht ndaj vetë-stimulimit, provojeni me partnerin tuaj. Ai, akoma më mirë se ju vetë, do të jetë i suksesshëm. Flakeni frikën. Frika nuk lejon arritjen e orgasmës. Riaktivizoni linjat e bllokuara në trupin tuaj.
Të mësosh të arrish orgazmën, është si të mësosh një zeje. Praktika e bën atë perfekte.

4-Vaginismi
Gjatë vagjinizmit muskujt e dyshemesë së pelvisit pësojnë shtrëngime (spazma), që pengojnë futjen e penisit në vaginë.
Sa? e shpeshtë është kjo vështirësi? Këtë askush nuk e di me siguri, sepse shumë gra nuk kërkojnë mjekim kur e kanë,? ose nuk e kuptojnë se çfarë kanë. Sipas disa klinikave të njohura, vagjinizmi, haset në 7% të të gjithë grave (Dr. Renshoë, Lojola University Cikago)
Vaginismi i pamjekuar, mund të zgjatë shumë vite. Doktoresha Renshaë thotë se ka mjekuar një grua, që ka pas vuajtur nga vaginizmi për 23 vjet rresht, përpara se të kërkonte ndihmë.
Pse ndodh vaginizmi?
Shkak për vagjinizmin janë infeksionet mykotike që përsëriten shpesh, si dhe infeksionet e traktit urinar. Këto shkaktojnë reaksione muskulare refleksive. Shkak për vagjinizmin mund të jetë frika nga seksi dhe nga shtatzënia. Një shkak tjetër për vagjinizmin janë traumat emocionale, nga abuzimi seksual i mëparshëm.
Si mund të ndihmoheni?
Në qoftë se vagjinizmi ka shkak fizik, ushtrimet në shtëpi, mund të ndihmojnë. Këshillohen këto ushtrime:
•? Ushtrime pa partnerin.? Shtrihu dhe vendosu në pozicion komfort. Merr frymë ngadalë. Hape gojën kur nxjerr frymën.
•? Lubrifiko gishtin me lubrifikant me bazë ujore, ose me pështymën tënde dhe fute në vaginë. Vazhdo të marrësh frymë thellë. Duke eksploruar vaginën tënde, do të ndjesh se ajo po lirohet.
• Ashtu siç bëni kur përpiqeni të mbani rrjedhën e urinës, shtrëngo muskujt fort rreth gishtit, në 1/3 e poshtme të vaginës. Relaksohu dhe përsërite këtë disa herë. Mësohu t’i vesh nën kontroll muskujt e vaginës tënde.
• Përsërite këtë ushtrim për pesë minuta, dy herë në ditë. Përdor një gisht në dy ditët e para. Për dy ditët e tjera fut dy gishta, ndërkohë merr frymë thellë e ngadalë dhe kontrakto muskujt.
• Në dy ditët e tjera, kërkoi partnerit që të fusë ai gishtin e tij të lubrifikuar, brënda në vaginë. Drejtoje gishtin e tij dhe përqendrohu në përgjigjen tënde seksuale.
• Në dy ditët e tjera, kalo shumë kohë me paralojën seksuale(nxemjen). Ndërkohë që kërkon të eksitohesh, kërkoi partnerit të shtrihet, pasivisht, në krahun tënd.
• Vendose penisin e tij të zbutur në vaginën tënde. Kontraktoj dhe relaksoj muskujt e vaginës. Do të ndjesh që partneri po forcohet dhe ti nuk do të kesh dhimbje. Po qe se ai është akoma i eksituar, shtyje penisin e tij të erektuar më thellë, ngadalë, deri sa penisi të zbutet. Përsëriteni këtë veprim. Lejojini vetes aq kohë sa ju duhet, që të ndjeheni mirë në të gjitha stadet e këtij ushtrimi.
Fizioterapia e specializuar për muskujt pelvikë ndihmon.
Mjeku mund të rekomandojë dilatatorët vaginalë, me dimensione graduale, që shtyhen në vaginë nga gruaja ose partneri i saj. Kjo bëhet për 10 minuta, disa herë në javë. Këto ushtrime pasohen nga kryerja e interkursës.

5. Dyspareunia
Kështu quhen dhimbjet gjatë dhe pas interkursës. Këto dhimbje e bëjnë seksin që të mos jetë një kënaqësi, por vuajtje. Shumë gra, fatkeqësisht, e kanë të vështirë ta bisedojnë këtë problem me doktorin. E vetmja gjë që ato bëjnë është ta evitojnë aktin seksual.
Ka çifte, që për arsye të dhimbjeve që ndjen gruaja gjatë aktit seksual, për vite të tëra nuk e konsumojnë? martesën. Po qe se ato do të shkonin shpejt tek doktori, ato do të kuptonin se kishin një problem të vogël, i cili mund të zgjidhej me lehtësi.
Seksi, siç dihet,? është pjesë me rëndësi e një marrëdhënie të zgjatur, ose e martesës. Kur mungon seksi marrëdhënia, ose martesa janë të kërcënuara seriozisht.
Pse gratë kanë dhimbje gjatë seksit?
Shkaqet janë të shumta. Endometriosa (rritja e shtresës së brendshme të uterusit jashtë tij), mund të jetë një nga shkaqet. Vaginismi, që e përshkruam më sipër, mund të jetë një shkak tjetër për seksin me dhimbje. Infeksionet e traktit urinar janë ndër shkaqet e shpeshta të dhimbjeve gjatë seksit. Vagina e thatë, mund të jetë shkak për seksin me dhimbje. Këto janë vetëm pak nga shkaqet, sepse ka shumë kombinime të tjera të faktorëve fizikë dhe psikologjikë që mund të shkaktojnë seksin me dhimbje, ose dyspareuninë.
Si mund të shpëtoni prej dhimbjeve gjatë seksit?
E para, shkoni tek doktori për një ekzaminim fizik, për një analizë gjaku, që të kontrolloni nivelin e hormoneve në gjakun tuaj. Sapo problem fizik do të zgjidhet, mjekimi i shkakut dhe seksterapia do t’u ndihmojnë.
Ju duhet të dini se çrregullimet seksuale, nuk kanë të bëjnë, vetëm, me gjenitalet. Ka çrregullime seksuale që janë edhe me natyrë holistike. Duke qenë se problemi është kaq kompleks, ka shumë rëndësi që në rastet e dispareunisë të vlerësohet gjendja e gruas në përgjithësi dhe jo vetëm një pjesë e saj.
Ju duhet të dini, gjithashtu, se interkursa, nuk është e vetmja mënyrë për të gëzuar kënaqësinë seksuale. Gjeni alternativa të tjera. Provo çdo gjë që të bën të ndjehesh mirë dhe të jep kënaqësi, vetëm që të mos ketë dhimbje.
Ja dhe diçka tjetër: po qe se vuani nga dhimbje të pashpjegueshme, doktori mund t’u japë antidepresantin amitriptiline (Elavil). Në doza shumë të vogla (një e dhjeta e dozës që jepet për depresionin) i pakëson ndjeshëm dhimbjet pelvike.

Dr. Adem Harxhi

7 Responses to A shkakton dhimbje penisi i madh?

  1. nita says:

    pershendetje doktor, une kam nje problem gjat mardhanjeve seksuale une nuk ndiej aspak knaqsi dhe vagina ime eshte shum e that e terun po edhe dhimbjen nuk me mungojn po jo gjithnji me ndihmoni si te veproj me respekt Leonita

  2. armen says:

    gjat nje mardhenie seksuale qe e kisha me ni shoqe,u be carja e kondomit ku une nuk e verejta dhe mendoj se ne ate moment eshte bere eejukalimi i spermes, cfar duhet te beje ka 2 dite qe ka ndodhun…

  3. tirana says:

    URIME, sapo u bere baba

  4. alketa says:

    gjat merdhenjve kom dhembje ne vagin se bashkshorti im e ka penisin e madh dhe vagina esht shum e that apo e terun ju lutem me ktheni pergjigjen

  5. genti says:

    armen …. nese te ka ndodhur nga dita e 12 – 15 e ovulimit rrezikon shume dhe ik fol me ndonje mjek se ka kokrra per kete pune me 40.000 lek te vjetra e mbyll kete muhabet. se na ka ndodh te gjitheve shoku ;)

    alketa … ka shume femra qe nga marrja e antibiotikeve te forte u shkaktohet myk ne vagine dhe nuk lengezohesh si duhet ose je e thate… ( kam pas nje shoqen time me te njejtin problem )

  6. Eleona says:

    Pershendetje doktor.doja tju pyesja, kur kryej mardhenie zakonisht kam dhimbje ne vezore,a eshte normale kjo?

  7. Lejla says:

    Ne qofte se qahet kondomi kam degjuar shum raste se eshte e mundshme te mbetet shtatzene por sigurisht duhet te dihet se nese femra ka qene ne ditet e ovulimit.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>