Pyetje:
Përshëndetje doktor , ju lutem të më tregoni se ku mund të kryhen analiza të sigurta gjaku, gjinekologjike dhe ato të hiv pasi nuk kam besim tek laboratorët e hapur tashmë në çdo qoshe e rrugicë.
Ju faleminderit!
Përgjigje:
Analizën për HIV duhet ta bësh pasi të kesh ndërprerë marrëdhëniet seksuale totalisht për një periudhë 4-6 javore.
Kjo quhet periudhe dritare dhe i duhet trupit për të formuar antikorpet kundër HIV-it. Kjo ka shumë rëndësi për një përgjigje të drejtë për gjendjen tënde.
Analizat bëhen në shumë vende, por do të të rekomandoja Institutin e Shëndetit Publik dhe Spitalin Infektiv në Tiranë.
Mos harroni porosinë time të vazhdushme, “Ose seks të sigurtë, ose hiç fare seks”. Bëni seks të sigurtë, që të mos keni telashe, por vetëm kënaqësi.
Seks i sigurtë do të thotë:
1-Diskutoni me çdo partner të ri seksual hapur dhe me përgjegjësi, për llojet e marrëdhënieve seksuale që do të kryeni dhe masat mbrojtëse. Përcaktoni stacionin se deri ku do të shkoni seksualisht.
2-Përdorni një kontraceptiv hormonal për t’u mbrojtur nga shtatzënia e padëshiruar.
3-Përdorni çdo herë që bëni seks një kondom të ri, për t’u mbrojtur nga sëmundjet infektive seksuale dhe HIV/AIDS,? si dhe nga shtatzënia.
Paç? shëndet dhe fat!