Imagjinata gjatë masturbimit

impoPyetje:
Përshëndetje doktor!
Jam një djalë 19 vjeç dhe nuk kam kryer akoma marrëdhënie seksuale dhe nuk kam pasur të dashur sepse akoma se kam ndjerë që të lidhem me një vajzë. Si fillim doja të dija a është gabim kjo? E dyta, unë më përpara masturbohesha 3 herë në javë, sa herë që bëja dush sepse atëherë më pëlqente dhe kënaqesha? më shumë. Ndërsa tani jo, pothuajse asnjëherë në muaj. Ndonjëherë më hypën një dëshirë e madhe për tu masturbuar por se di pse nuk masturboj. Dhe ka disa raste që gjatë masturbimit më vjen në mendje një person nga të afërmit e mi dhe kjo më bën ta ndal atë (një sqarim…jo se e imagjinoj me atë po thjesht e kujtoj). Ju lutem më jepni disa këshilla rreth problemit tim. Ju faleminderit. Pres përgjigje.

Përgjigje:
Nuk ka moshë të caktuar se kur duhet të fillojë jeta seksuale e një djali. Ka djem që e fillojnë më herët, ka dhe të tjerë që e fillojnë vetëm kur martohen. Kjo është një zgjedhje që djemtë bëjnë lidhur me jetën e tyre seksuale. Këtë zgjedhje ata e bëjnë duke u bazuar në parimet që kanë, në edukimin që kanë marrë, në atë që ata e vlerësojnë si vlerë për veten e tyre, në besimin fetar që ndjekin, e shumë të tjera, që janë individuale për çdo djalë. Me rëndësi është që hapi drejt jetës seksuale të bëhet i menduar mirë, pa u influencuar prej shokëve ose ambjentit për rreth. Pse nuk ke filluar jetën seksuale në moshën 19 vjeç, kjo nuk është gabim, madje, do të thoja se është normale. Shumë shokë të tu thonë se kryejnë marrëdhënie seksuale, edhe kur nuk kanë filluar ta bëjnë këtë. Kjo është tendencë e djemve sot. Vepro si të mendosh vetë.
Lidhur me masturbimin, do të thoja se ky aktivitet seksual është i shëndetshëm dhe i rekomandueshëm. Ai ështe një mënyrë e mirë që djemtë dhe vajzat të çlirohen seksualisht, pa u rrezikuar se mbeten shtatzëna, ose infektohen me Sëmundje Infektive Seksuale midis tyre dhe HIV/AIDS.
Lidhur me fantazitë seksuale kur masturbon, mos u shqetëso. Fantazitë seksuale nuk janë realitet dhe ato nuk konsiderohen as si inçest dhe as si tradhëti e partnerit seksual.
Shumica e njerëzve kur masturbojnë, kanë fantazi seksuale. Ata përfytyrojnë dikë me të cilën bëjnë seks. Ky mund të jetë një Yll kinematografie, mund të jetë një shoqe shkolle, por mund të jetë edhe një e afërme. Mos u step, vazhdo, shko përpara. Mos u tremb nga? fantazitë, pavarësisht se kush të shfaqet në to.
Të uroj shëndet e fat.
Doktori.