Mbi antikonceptivët

grua20me20barre20sapo20e20bona20shtatzeneA DUHET TË SHKOJË TEK DOKTORI SHOQIA IME

PYETJE: Nr. 1

Doktor,
Një shoqja ime merr pilula kontraceptive dhe mua më duket se disa muaj pas marrjes së tyre ajo ka disa shenja jo të mira: hemorragji, mungesë apetiti dhe të tjera shqetësime.
Unë kam dëgjuar se këto pilula, që përdoren për të evituar shtatzëninë,? mund të shkaktojnë të tilla shqetësime, por unë jam e shqetësuar se ajo vazhdon të marrë? pilula dhe refuzon të shkojë të vizitohet tek doktori.
A duhet të shkojë ajo tek doktori?.
Faleminderit.

PËRGJIGJE:

Çdo grua që përdor pilula kontraceptive duhet të dijë mënyrën si veprojnë këto pilula. Ato thithen nga trakti tretës, futen në gjakun e gruas dhe me anë të gjakut përhapen nëpër trup që të veprojnë mbi indet dhe organet, po njësoj siç veprojnë dhe hormonet natyrale estrogjeni dhe progesteroni. Në shumicën e pilulave kontraceptive, hormonet që përdoren nuk janë natyrale por sintetike, prandaj mund të shkaktojnë efekte anësore të ekzagjeruara tek gratë… Nga këto efekte anësore që janë të zakonshme, dy janë më të shprehurat:
•? ? ? Hemorragjia
•? ? ? Ulja e apetitit.

Hemorragjia ndodh? më shumë gjatë ciklit të parë? ose të dytë të përdorimit të pilulave dhe, zakonisht, pas kësaj periudhe kalon. Hemorragjia ndodh sepse uterusi duhet të përshtatet me nivelin e ri të hormoneve në trupin e gruas. Në qoftë se hemorragjitë nuk ndërpriten pas disa muajve, gruaja bën? mirë të shkojë tek doktori. Ajo ndoshta duhet të kalojë në përdorimin e një lloji tjetër kontrakonceptivi, ose shkaku i hemorragjisë mund të jetë një problem më serioz i cili duhet të përcaktohet.
Është mirë që gratë të dinë se edhe kur ato kanë hemorragji nga përdorimi i kontraceptivëve hormonalë, kontraceptivi vazhdon të jetë efektiv për qëllimin që merret.

Të përzierat dhe ulja e apetitit janë efekte negative të hershme të pilulave. Kjo ndodh sepse estrogjeni i pilulës irriton mbulesën mukoze të stomakut. Të përzierat ose, siç e quajnë doktorët, nauzea, kalon zakonisht pas tre muajve. Për të larguar ndjenjën e përzierjes mund të përdoren tableta me lëndë kundër aciditetit të stomakut (antacide), ose pilulat të merren kur gruaja është duke ngrenë darkën.

Kur këto simptoma vazhdojnë, gruaja duhet të shkojë tek doktori i cili mund të rekomandojë një pilulë me 20 mikrogram estrogjen, që shpesh ndihmon të kalojnë të përzierat (nauzea) dhe ulja e apetitit.

Efekte të tjera anësore, të zakonshme, të pilulave janë : dhimbja e kokës, depresioni, bije dëshira për seks dhe ulet aftësia e gruas për të arritur orgazmën, vaginiti dhe rrjedhjet vaginale, infeksione të traktit urinar, ndryshimi i menstruacioneve, ndryshimet në gjinjtë, probleme të lëkurës, inflamacion i gingivave të gojës, e rëndojnë gjendjen e astmës tel gratë që vuajnë nga kjo sëmundje dhe rritin shanset për t’u sëmurur me sëmundje të ndryshme virale. Të gjitha këto, siç thamë, janë efekte anësore të zakonshme. Kjo do të thotë që gruaja nuk duhet të alarmohet, por t’i diskutojë këto shqetësime me doktorin e saj dhe të mësojë prej tij? çfarë të bëjë për të pakësuar shqetësimet.

Çdo problem që zgjat më shumë se dy ose tre cikle, duhet t’i thuhet doktorit. Më poshtë po rendis simptomat e problemeve më serioze: Dhimbje të forta dhe ënjtje të këmbëve (në kofshë ose pulpë), dhimbje të forta koke, marrje mendsh, dobësi, mpirje, turbullim i pamjes (ose humbje të pamjes), probleme me të folurit, dhimbje gjoksi dhe pengesa në frymëmarrje, dhimbje në bark. Këto shqetësime, gruaja? duhet t’ia raportojë me njëherë doktorit. Shfaqja e këtyre shenjave tek një grua që përdor pilulat kontraceptive do të thotë që ajo? duhet të ndalojë menjëherë marrjen e pilulave dhe këtë vendim e merr doktori.

Të uroj shëndet e fat
Doktori.