Nuk ndihem mire me trupin tim

Pyetje:
Doktor, Kam dy vjet qe jam njohur me dashnorin tim. Ai vazhdimisht më bën komplimenta dhe sillet shumë mirë me mua. Problemi im është se ndjehem jo mirë të zhvishem e të vesh të brendshme seksi para tij. Kur shikohem në pasqyrë, kudo shikoj dhjamë në trupin tim. Dëshëroj shumë të vesh të brendshme seksi për të dashurin tim dhe të ndjehem mirë me veten, por nuk mundem. Çfarë më këshilloni të bëj?

Përgjigje:
Loja me sende seksi për të joshur dashnorin, është një nga kënaqësitë kur je në marrëdhënie dashurie. Kjo dhe fakti që dashnori të bën komplimenta, tregon se marrëdhënia juaj është e fortë. Por, komplimentet e tij mund të mos jenë plotësisht të vërteta. Fjalët e mira që na thonë të tjerët, duhen ti pranojë jo vetëm mendja, por t’u besojnë edhe disa pjesë të trupit. A ke vënë re çfarë ndjën ti kur ai të bën komplimenta? A e ndjen se të pëlqejnë dhe u beson komenteve të tij positive lidhur me dukejen tënde të jashtme?
Ka mundësi që ti ke vlerësim të ulët për veten, ose vlerësim negativ për dukjen tënde edhe tej situatave intime, në jetën tënde të përditshme. Po qe se është kështu, atëherë, problemi është ndryshe. Sot, si kudo në botë, edhe tek ne, të rinjtë jetojnë brenda një kulture ku imazhi i bukurisë femrore përmblidhet, kryesisht, tek të qenurit gra të holla. Kjo është e përgjithshme. Sot, çdo fëmijë, mund të thotë se si duhet të duket “një grua ideale”. Por, duhet të dish, se vetëm fare pak gra, e arrijnë këtë standard, që duhet ta themi, nuk është universal.
Shumë njerëz marrin mesazhe negative nga vetia e tyre. Këto mesazhe nuk fillojnë nga vetë ata. Ato janë zëri i shoqeve të tyre, të familjarëve, të televizorëve, të revistave dhe reklamave në billboardet. Ato janë zëri i që vjen nga shumë imazhe që prodhojnë massmediet lidhur me bukurinë ideale , specifike, dhe të stadnartizuar. Sapo një person i pranon brenda vetes (internalizon) ndjesi negative për veten, për këtë person bëhet shumë e vështirë t”i largojë ato ndjesi, veçanërisht, kur ato janë ngulur shumë kohë më parë.
Tani ti dëshiron të dish se çfarë duhet të bësh për këtë?
Bëhu më e mëncur. Shumë psikologë mendojnë se vuajtja mund të largohet përmes mprehtësisë së mendimit. Ju duhet të kuptoni burrimin e shqetësimit tuaj, mënyrën si duhet të veproni në këtë situatë. Ju duhet të kuptoni mënyrën si influencon vlerësimi i ulët i vetes, mbi të tjerët. Sqarimi i këtyre gjërave brenda vetes, do të ndihmojnë të kuptosh kur kanë lindur këto ndiesi vetë-nënvleftësuese. Psikologët mendojnë, se njerëzit çlirohen nga mendimet negative, kur i analizojnë këto situate që nga koha kur ato kanë lindur. Ju do të kuptoni se vlerësimi negativ për veten e ka origjinën jashtë jush dhe është i gabuar. Bëhu aq e mënçur sa të kuptosh vërtet se si të shohin të tjerët. Duke bërë këtë analizë, ti do të kuptosh se perceptimi negativ për veten, ka qenë krejtësisht e gabuar..
Ndrysho mendimet e shtrembëra. Ka një terapia që quhet “cognitive behaviorale”. Kjo është një mënyrë në të cilën psikoterapisti arrin të ndryshojë tek ju mendimin e shtrëmbëruar, ose vlerësimin e gabuar për veten dhe për dukjen tuaj. Takimi me një psikolog është i dobishëm, kur shqetësimet janë të theksuara.
Ndrysho emocionet. Çfarë ndiesi provon kur zhvisheni? A ndjen ankth? Turp? Frikë?. Çfarë emocionesh provon kur e imagjinon veten te veshur me diçka seksi për dashnorin tënd? Përpiquni të kuptoni emocionet që ndjeni kur dashnori u bën komplimenta. A ndjehesh e lumtur? E bezdisur? Dyshuese? Terapia do t’u ndihmojë të zbuloni disa nga këto emocione dhe se si t’i ndryshoni ato. Ndonjëherë, vlerësimi negative për veten, është shumë i fortë jo vetëm për gjëndjen emocionale, por ai zotëron edhe gjithë mendimin e personit.
Përpiqu t’i neglizhosh këto ndjesi. Disa psikologë besojnë se duke ndryshuar sjelljet me vullnet mund të bëhesh më mirë. Përpiqu të bësh gjërat që dëshiron. Kjo do t’u “desensitizojë”, që do të thotë se me kohë ndjesitë negative do të bëhen më të dobta dhe mund të zëvendësohen me ndijesi positive.
Ka shumë literaturë për imazhin e trupit dhe vetë-besimin. Po të kërkoni mund të gjeni shumë nga këto materiale. Konsultimi me një psikolog do të ishte i vlefshëm.
Shëndet e fat
Doktori.