Përdorimi i kontraceptivëve

Pyetje:
Përshëndetje i nderuar doktor. Jeni shumë i qartë në përgjigjet tuaja.Kam vendosur të përdor kontraceptivët me kokrra që janë për 28 ditë por do doja të më jepnit pak më tepër informacion në lidhje me mënyrën e përdorimit, pra kur duhet ti filloj.Dhe pas sa kohësh pasi kam filluar ti përdor ato mund të quhem e mbrojtur. Mund të më sugjeronit ju ndonjë lloj kontraceptivi pasi nuk di ctë përdor. Theksoj se jam e shëndetshme, nuk vuaj nga ndonjë sëmundje dhe nuk konsumoj duhan dhe alkool. Pres përgjigjen tuaj.

Përgjigje:
Përdorimi i kontraceptivëve, normalisht, duhet të fillohet pas një konsultimi me një mjek Obstetër/Gjinekolog. Ai do të rekomandojë përdorimin dhe llojin e kontraceptivit që do të përdorësh.
Pra, e para porosi është të shkosh tek një mjek.
Lidhur me shqetësimet që ke për fillimin e përdorimit të kontraceptivëve kam shkruar shpesh, por edhe njëherë po të përgjigjem ty dhe gjithë shoqeve të tua.
Para se të filloni një metodë kontraceptive sigurohuni të gjeni më të mirën.
Kini parasysh këto gjëra kur do te bisedoni me mjekun dhe partnerin:

1-A është metoda e sigurtë?
2-Sa më mbron mua kjo metodë nga shtatzënia?
3-A më mbron kjo metodë nga sëmundjet infektive seksuale?
4-A përdoret me lehtësi dhe a do të jem unë i aftë ta përdor atë në mënyrë korrekte?
5-A do ta përdor këtë metodë cdo herë që do të bëj seks.?
6- A dëshiroj të mbetem? shtatzënë në të? ardhmen? Kur?
7- A i kam mundësitë ta përdor këtë metodë?
8- A do të ma prishë kjo metodë rrjedhën e jetës seksuale? A e prish kjo motivimin tim për ta përdorur këtë metodë?
9- Si mendon partneri për këtë metodë?

Si t’i përdoresh kontraceptivët?

Ju mund t’i filloni ato të Dielën e parë pas fillimit të periodave, pavarësisht, nëse jeni akoma me gjakra ose jo. Një opcion tjetër është të filloni pilulat në ditën e parë të fillimit të periodave. Javën e parë pasi keni filluar marrjen e pilulave, përdorni një metodë mbështetëse, sic eshte, për shembull, përdorimin e kondomit. Një javë pas marrjes së pilulave në mënyrë korrekte, ju jeni të mbrojtura nga shtatzënia. Zgjidhni oren me te pershtatshme te ditës për të marë pilulat,? qe ta kujtoni me lehte marrjen e pilulës. Unë rekomandoj ta merrni pilulën kur jeni duke ngrënë.? Kështu do pakësoni të përzierat, që ndonjëherë ndodhin, kur fillohen pilulat. Zgjidhni vaktin që ka më pak mundësi të harrohet marrja e pilules dhe ne këtë vakt merreni çdo ditë. Ka shumë rëndësi që pilula të merret çdo ditë dhe në të njëjtën kohë, bashkë me ushqimin. Po qe se e merrni në kohë të ndryshme të ditës, kjo rrit rrezikun për shtatzëni dhe shkakton që të keni njollosje dhe hemorragji të çrregullta. Madje, edhe dy orë diferencë nga një ditë tek tjetra mund të shkaktojë njolla.

Periodat do të bëhen shumë të lehta? kur do te përdorni pilulat, ndonjëherë,? munde te keni vetëm një njollë rozë ose kafe në lines ose tamponin tuaj. Disa muaj ju mund të mos shikoni fare shenja gjaku. Kur e merrni pilulën çdo ditë në të njëjtën kohë, ju nuk keni shanse të mbeteni shtatzënë. Vazhdoni ta merrni pilulën si zakonisht, por herepashere takohuni me doktorin.
Pac fat dhe shendet
Doktori

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>