Pyetje:
Përshëndes doktorin. Kam një pytje, unë jam martuar që prej 6 muajsh. Kam probleme me vaginën gjenitale, kam kruajtje, diegie. Që kur jam martuar kam pas edhe pu?ra të imta por një mjek këtu në itali më ka udhëzuar të përdor disa ilace, pucra skam më por kam kruajtje dhe djegie. Jam shtatzënë që prej 4 muajsh. Të lutem më trego cfarë të bëj. Ju faleminderit.

Përgjigje:
Mendoj se je infektuar me ndonjë nga ato sëmundjet infektive që transmetohen seksualisht.
Me këto sëmundje, zakonisht, sëmuren të dy partnerët. Kjo do të thotë se edhe pse ti mund të mjekohesh pa ndërprerje, burri që vazhdon të jetë i infektuar të infekton ty
përsëri e përsëri. Ju të dy duhet të shkoni së bashku tek gjinekologu, infeksionisti ose dermatologu. Të bëni analizat dhe të përcaktoni sëmundjen që kini. Pasi të diagnostikoheni duhet të mjekoheni të dy deri në shërim. Përsa kohë mjekoheni,është mire të mos bëni seks. Kur të jeni shëruar filloni të bëni seks me kondom, që të evitoni infeksionet. Këto masa janë, vecanërisht, për ty që pret një fëmijë. Përdorimi i kondomit është i detyruar edhe për të martuarit, jo vetëm kundër shtatzënisë së padëshiruar, por edhe kundër sëmundjeve infektive seksuale. Kjo merr rëndësi të vecantë kur nuk jeni e sigurtë për bashkëshortin nëse shkon ose jo me tjetër partner. Në këto raste infeksionet mund të jenë të shumta. Burri sjell tek ty gjithë mikrobet që kanë partnerët e tij jashtë martese. Po njësoj gruaja i dhuron burrit të gjitha mikrobet që ka marrë nga partnerë të tjerë.
është kjo arsyeja që unë këshilloj përdorimin e Kondomit për të gjithë.
Uroj shëndet e fat
Doktori