Pyetje:
Përshëndetje, jam një vajzë 24 vjeç.? Marrëdhënie seksuale nuk kam kryer por gjatë fëmijërisë e kam futur gishtin e mesëm? në vaginë në thellësi prej 15 milimetrave(1.5cm), nuk kam ndjerë ndonjë dhimbje në vaginë e as nuk kam pasur gjakëderdhje. A jam e virgjër apo jo?
Përgjigje:
Sigurisht që je e virgjër.
Rëndësi ka virgjëria psiko-emocionale, pra, e humbet virgjërinë ajo vajzë që kryen marrëdhënie seksuale. Dhe gama e marrëdhenieve seksuale është shumë e gjerë. Në këto marrëdhënie nuk përfsihet vetëm interkursa vaginale, por edhe seksi anal, seksi oral, ose ekstrakursa (përkëdhelje të partnerit, pa penetrim, që çojnë në orgasmë).
Është apo nuk është himeni në hyrje të vaginës? Kjo ka të bëjë me virgjërinë teknike. Cipa e hollë(himeni)mund të shkatërohet nga gishti si në rastin tënd, mund të shkatërohet nga ushtrimet gjimnastikore, nga ushtrime baleti, nga ngjitja në pemë, nga hypja mbi kalë e shumë të tjera. Unë mendoj, një vajzë që e ka shkatëruar himenin për këto arsye, është jo e virgjër teknikisht, por psiko-emocionalisht ajo është virgjëreshë.
Shumë vajza interesohen më shumë për virgjërinë teknike. Ato bëjnë, seksualisht, gjithçka (dhe mirë bëjnë) por duan që t’u paraqiten të dashurve të tyre si virgjeresha. Për këtë ato pranojnë të bëjnë operacione plastike të hymenit(hymenorhaphia), ose përdorin shumë metoda të tjera. Kjo nuk është virgjëri. Kjo është ta fillosh jetën me një gënjeshtër të madhe. Të gënjesh të dashurin dhe veten se je e virgjër, kur në fakt nuk je.
Më në fund, deri sa shkatërimi i himenit? ndodh edhe për arsye të tjera, natyrisht, joseksuale, dhe kur himeni i shkatërruar rregullohet me operacione plastike, për mua, virgjëria teknike nuk ka rëndësi.
Ti psiko-emocionalisht je e virgjër.
Të uroj fat e shëndet .
Doktori.
