Pyetje:
Përshëndetje doktor. Jam një vajzë 17 vje?, e fejuar dhe kam kryer marrëdhënie me të fejuarin tim, por pas një jave kam pasur marrje mendsh dhe dhimbje në gjoks. Unë mund të jem shtatzënë po dua të di a prishet shtatzënia ime nëse kryej marrëdhënie përsëri me të dashurin dhe ai derdhet brenda meje? Ne kryejmë pothuajse 3-4 herë në javë, po ai disa herë derdhet brenda dhe disa tërhiqet. A e prish kjo shtatzëninë e fituar? Faleminderit.
Përgjigje:
O ti budallackë e vogël,
Kam shkruar, vazhdimisht, për seksin e sigurtë dhe seksi më i sigurtë është përdorimi nga djali i kondomit dhe vajza të përdorë, gjithashtu, një mënyrë kontraceptive. Ju të dy nuk bëni asgjë për të mbrojtur, vetëm seks pa fund, e deri në fund.
Kush të ka thënë se po të jesh shtatzënë, duke bërë seks të pambrojtur prishet shtatzënia. Këto jane budallallëqe pa asnjë bazë, që tregojnë se ju të dy nuk keni minimumin e njohurive seksuale. Unë, sinqerisht, shqetësohem, se si dy të rinj me të tilla njohuri, marrin guximin të bëjnë seks vaginal, pa përdorur asnjë mbrojtje.
Ti mund të mbetesh shtatzënë dhe të bëhesh nënë në moshën 17 vjec. E di ti cdo të thotë kjo?
Ti mund të infektohesh me ndonjë sëmundje që mund të jetë e rrezikshme për jetën. A e kupton rëndësinë e kësaj?
Ti mund të mendosh se do ta prishësh shtatzëninë me abort. Kjo bëhet, por edhe aborti ka pasojat e tij negative. Mund të mos bësh më fëmijë dhe ka vajza që kanë vdekur gjatë abortimit.
Ti je akoma e re për të bërë seks vaginal penetrant. Kënaqu me djalin tënd me puthje, përkëdhelje, fërkime, seks oral, por jo seks vaginal, deri sa të bëheni mbi 18- 19 vjec.
Mos bëni më seks vaginal dhe po qe se nuk të vinë zakonet, bëj një test për shtatzëni në shtëpi, ose tek doktori. Në qofte se je shtatzëne, bisedoni të dy dhe diskutoni me prindërit cdo të bëni më tutje. Por një gjë duhet ta bëni patjeter: të bëni seks të sigurtë duke përdorur djali kondomin dhe ti një kontraceptiv tjetër .
Mënyra që ju keni zgjedhur, që djali ta derdhe spermën e tij në vaginën tënde për të prishur shtatzëninë eshte krejtësisht e gabuar. Kjo mënyrë bën qe edhe po të mos kesh qënë shtatzënë, të mbetesh shtatzënë tani.
Nga letra jote dhe e shumë shoqeve e shokëve të tu, kam kuptuar se ju dini shumë pak për seksin, për këtë aktivitet kaq të domosdoshëm, që duhet të jetë i shëndetshëm, i kënaqshëm dhe pa kokëcarje.
Më dridhet zemra kur mendoj se me këto njohuri që keni, ju, merrni kurajën të bëni seks penetrant vaginal.
Për t’u ndihmuar kam shkruar librin “Seksi është Gëzim”. Pas disa muajsh do të dalë në shitje. E kam shkruar enkas për ju adoleshentë dhe të rinj. Kërkojeni pas disa muajve në librari.
Uroj shëndet e fat
Doktori
