Shumica e të rinjve që infektohen me HIV gjatë adoleshencës, sëmuren me AIDS-it pas mesit të viteve të njëzeta.? Numri i adoleshentëve të sëmurë me HIV/AIDS, vjen çdo vit duke u rritur me shpejtësi alarmante.? Sipas ekspertëve numri i adoleshentëve me AIDS dyfishohet çdo vit.
Sipas të dhënave amerikane, rreth 30 përqind e adoleshentëve të sëmurë me AIDS janë infektuar me HIV nga produktet e gjakut të infektuar, që i kanë marrë për të mjekuar hemofilinë. Bëhet fjalë për kohën kur gjaku që dhurohej nuk testohej për HIV. Fatmirësisht, testimi dhe trajtimi i nxehtë i produkteve të gjakut që filloi më 1985, thuajse e ka eliminuar këtë lloj transmetimi të HIV-it. Nga fillimi i viteve 2000, janë fare të pakta rastet me AIDS të ri si pasojë e transfuzioneve të gjakut dhe produkteve të tij.
Sot, më pak njerëz infektohen me HIV nga përdorimi i përbashkët i shiringave.
Shumica e adoleshentëve të sëmurë me AIDS janë infektuar prej marrëdhënieve seksuale të pa mbrojtura. Kontakti seksual, padyshim, vazhdon të mbetet mënyra kryesore që adoleshentët dhe të rinjtë infektohen me HIV, sot dhe në vitet që do të vinë.
Adoleshentet me AIDS ashtu si dhe të rriturit me AIDS janë të çdo shtrese ekonomike, etnike, raciale dhe janë nga çdo zonë e vendit.
Faktori kryesor i rrezikut është vetëm një dhe ky është seksi i pa mbrojtur.