Pyetje:
Përshëndejte doktor. Jam 19 vjeç. Kam kryer marrëdhënie për herë të parë, por jo seks të plotë (vetëm maja e penisit hyri në vaginë).
Kam dhembje në stomak dita ditës por nuk janë shumë të forta, barku më është fryrë. Para disa ditësh kisha përzierje, po ashtu ndihesha shumë e lodhur nuk? di se çfarë të bëj, kam frikë se mos kam ngelë shtatzënë, të lutem më shpjego sa më shpejt të mundesh.
Ju falemiderit për mirëkuptimin doktor!
Përgjigje:
Ti thua se nuk ke kryer seks të plotë, sepse maja e penisit hyri në vaginë. Deri sa hyri maja, pse nuk e le të hynte i gjithi.
Një vajzë mbetet shtatzënë edhe kur sperma e djalit derdhet jashtë vaginës në buzët e saj. Me shenjat që thua ti, nuk krijohet bindja se je shtatzënë.
Po qe se zakonet të vonojnë mbi një javë, shko në farmaci, ble nje kit për testin e shtatzënise.? Po qe se testi thotë se je shtatzënë, shko vizitohu tek nje obsteter. Ai do të të shpjegojë gjithçka për gjendjen tënde.
Unë nuk jam kundër që ti dhe shoqet e tua bëni seks. Seksi është gjë e bukur e kënaqshme dhe të rejat e të rinjtë duhet ta gëzojnë, por unë nuk jam dakord që të bëni seks të pambrojtur, qoftë për shtatzëninë e padëshiruar qoftë për Sëmundjet Infektive Seksuale. Në qoftë se je seksualisht aktive, që siç duket je, duhet të përdorësh një kontraceptiv të çfardo lloji dhe një prezervativ sa herë që bën seks. Në qoftë se nuk i keni marrë këto masa dhe bëni seks, atëherë shkoni në farmaci dhe merrni kontraceptivin e urgjencës të cilin duhet ta merrni sipas porosisë së farmacistit, brenda 72 orëve nga kryerja e marrëdhënieve seksuale.
Të uroj shëndet dhe fat.
Doktori.
