Pyetje:
Përshëndetje jam një vajzë 20 vjecare dhe kisha nevojë të kuptoja nëse ajo që po më ndodh mua është normale.
Eshtë jo e para herë që kryej marrëdhënie seksuale (penetrim vaginal) me të dashurin dhe asnjëherë, pavarësisht virgjërisë sime, nuk kam pasur gjakderdhje, tani kjo nuk është se përbën një problem për partnerin pasi ai më beson, por nuk e kuptoj aq më tepër që ndiej dhimbje në cdo interkursë është normale? Më krijon shumë stres fakti që nuk del gjak asnjëherë dhe do më ishte dashur një shpjegim nga ana juaj ju lutem.
Përgjigje:
Jo ?do herë që shkatërrohet himeni gjatë aktit seksual ka gjakderdhje. Ka raste që nuk ka gjakderdhje dhe kjo ndodh për arsye të ndryshme të cilat i kam shpjeguar në këtë blog. Nuk ka asnjë problem po qe se zhvirgjërimi ndodh pa gjak. Kjo është normale.
Dhimbja gjatë interkursës është problem. Seksi nuk duhet të ketë dhimbje. Seksi është kënaqësi dhe ate nuk e arrin asnjë vajzë apo grua që ka dhimbje gjate aktit seksual.
Pse disa vajza kanë dhimbje?
Sepse e fillojnë interkursën pa u lubrifikuar mirë, pra, pa bërë paralojë të mirë seksuale, deri sa muskujt vaginalë të jenë liruar totalisht.
Sepse mund të ketë ndonjë infeksion vaginal i cili shoqërohet me dhimbje gjatë seksit.
Sepse vajza është nën stres dhe shqetësim për aktin seksual dhe muskujt e vaginës vazhdojnë të jenë të shtrënguar (vaginizmi).
Ka dhe një gjëndje tjetër që quhet dispareunia, dhembje të pashpjeguara gjatë seksit.
Provo të bëni paralojë të zgjatur sa më shumë deri kur të ndjesh se je e lagur mirë.
Përdorni lubrifikant në vaginë dhe në prezervativ.
Po nuk u ndihmove me këto, shko tek një gjinekolog. Mos vazhdo seks me dhimbje.
Pac fat
Doktori
