Prindërit, mësuesit dhe punonjësit e shëndetësisë janë dakord që të rinjtë duhet të dinë ç’është HIV-i dhe si të evitojnë kontaktin me virusin. Por, edhe pse janë dakord, bëhet pak për edukimin e nxënësve lidhur me AIDS-in në shkollë.
Pse është kjo situatë?
Sepse jo të gjithë dhe jo gjithmonë bien dakord lidhur me informacionin dhe këshillat që duhet t’u jepen nxënësve, lidhur me edukimin seksual dhe mbrojtjen nga HIV/AIDS. Disa prindër mendojnë se diskutimi në detaje lidhur me seksualitetin, kontrollin e lindjeve, homoseksualitetin dhe praktikimin e seksit më të sigurtë, do t’i ndihmojë fëmijët të bëjnë zgjedhjet e tyre më të mira dhe të jenë më të sigurtë.? Ndërsa? prindër të tjerë, mendojnë se këto mësime kaq të hapura do t’i inkurajojnë të rinjtë për t’u bërë më herët seksualisht aktivë.
Prindërit që mendojnë se seksi para martesës dhe homoseksualiteti janë shfaqje imorale, nuk e përkrahin edukimit seksual në shkollë. Ky edukim? nuk përputhet me bindjet e tyre morale dhe religjioze. Ata kundërshtojnë idenë që nxënësve t’u shpërndahen kondome falas nga infermieritë e shkollave. Tek ne nuk gjen asnjë shkollë që të ketë programe të tilla, ku detyrimisht prindërit duhet të firmosin aprovimin, përpara se nxënësit të marrin pjesë në këto programe.
Në shumë vënde të përparuara të botës zhvillohen debate të nxehta për këto probleme, në organet e pushtetit lokal dhe atij qëndror. Në këto debate ligjvënësit dhe punonjësit e shëndetësisë diskutojnë për shumë çështje. Gjuha dhe mesazhi i pamfleteve shëndetësore, shpërndarja e kompleteve me bleach për sterilizimin të shiringave, shpërndarjen e shiringave të pastra dhe shpërndarja e kondomëve falas, janë objekt i këtyre diskutimeve.
Disa qytetarë, madje edhe në vendet më të përparuara, i kundërshtojnë këto përpjekje. Ata mendojnë se këto do të inkurajojnë sjellje imorale dhe kriminale midis të rinjve. Por punonjësit e shëndetësisë dhe shumica e aktivistëve të luftës kundër AIDS në këto vënde mendojnë ndryshe. Ata mendojnë se është e pamundur të ndalohet përhapja e AIDS pa e diskutuar seksin në mënyrë të sinqertë e të drejtpërdrejtë dhe pa shpërndarë kondome dhe age të pastra falas.
Organet e pushtetit dhe gjithë sistemi i arsimit dhe i shëndetësisë duhet të mendojnë mirë për hapat që duhet të ndërmarrin, po qe se me të vërtetë duan të angazhohen në parandalimin e këtij kërcënimi shumë serioz për të ardhmen e shoqërisë.