Infeksioni HIV dhe AIDS-i sot janë të pranishëm në të gjitha vendet e botës. Frika nga virusi dhe shqetësimi për shëndetin e qytetarëve,? ka bërë që shumë shtete? të kërkojnë testim për antikorpet HIV për vizitorët e huaj. Në Sh.B.A, për shembull, nuk lejohet të hyjnë njerëz të infektuar me HIV si emigrantë të përhershëm. Vende të tjera kanë kufizime edhe më të forta. Autoritetet ruse diskutojnë të kërkojnë testimin e detyruar? për antikorpet HIV, për të gjithë vizitorët që do të hyjnë në Federatën Ruse.
Aktivistët e luftës kundër AIDS-it dhe shumë personalitete botërore, mendojnë se kufizimet për udhëtimet ndërkombëtare për njerëzit e infektuar me HIV janë forma diskriminimi dhe nuk janë mënyra efektive për të ngadalësuar përhapjen e epidemisë. Ish Kryeministri Francez Edouard Balladur, në kohën e vet pati lajmëruar: “Do të ishte një iluzion të mendohej se disa vende mund ta mbrojnë veten, vetëm duke mbyllur kufijtë”.
Ata që favorizojnë kufizimet në udhëtime, sjellin si shembull Sh.B.A që ndalojnë? vizitorët me sifiliz, gonorre, leprozë dhe tuberkuloz të hyjnë në vend. Kur është kështu për këto sëmundje, pse të infektuarit me HIV që mund të shkaktojnë këtë sëmundje vdekjeprurëse, duhet të gjykohen ndryshe?? Ish Presidenti amerikan Bill Clinton, propozoi që të ndryshohen ligjet e emigracionit. Ai sugjeroi që njerëzve me sëmundje infektive dhe me tuberkuloz aktiv t’u ndalohet hyrja në Sh.B.A. Kjo ide që u mbështet fuqishëm nga ekspertët e shëndetësisë,? u bë subjekt për debat në Kongresin amerikan.
