Pyetje:
Jam një gocë 23 vjecare, kam një problem ndoshta në dukje qesharak , por më besoni vërtet besdisës. Pas aktit seksual, mendoj prej zgjerimit të vaginës, dhe mbushjes me ajër, kam shfryrje të zhurmshme ajri, që më bëjnë të ndihem shumë keq. Kam gati 4 vite që kam nisur të kryej raporte seksuale me të dashurin, por këtë shqetësim po e has vetëm prej pak muajsh. Do tju lutesha tmë ndihmoni me ndonjë këshillë tuajën, pasi nuk di ctë bëj. Faleminderit!
Përgjigje:
Në shqip këtyre u thonë “pordhët vaginale” dhe shumë vajza dhe gra hedhin të tilla pordhë. Francezët i quajnë më bukur se ne, ata u thonë “Flutrat e dashurisë”. Shumë bukur.
E vetmja gjë që mund të bësh ti dhe dashnori yt është të qeshni. Merrini gjërat me të qeshur. Seksi është gëzim, është i bukur, është plot humor. Mos u shqetësoni prej tyre ato janë ajër që gjatë aktit seksual ka hyrë në vaginën tënde dhe pas aktit del jashtë. Nuk kanë erë, vetëm kanë pak tingull. Edhe njëherë merreni me të qeshur, vagina jote këndon nga qejfi.
Uroj fat dhe shëndet
Doktori