Pyetje:
Përshëndetje Doktor,
kam besim se do kem vëmendjen tuaj për këtë shqetësim.
Jam një djalë 24 vjeç. Deri para disa kohësh nuk kam shkuar në shtrat me asnjë vajzë, kam patur të dashura por me asnjë nuk kam bërë seks. Para disa ditësh pata një lidhje dhe vendosëm të dy për të bërë? seks, por në këtë moment unë pata mungesë ereksioni. Më duhet të them se para këtij momenti nuk kam patur një ereksion të shpeshtë, më ndodhte që dhe në rrugë kur ecja të kisha ereksion, dhe pas këtij momenti kisha një ereksion të dobët, jo si më parë që kisha tendosje të vazhdueshme.
I njëjti problem më ndodhi dhe kur provuam herën e dytë.
Ju lutem më jepni një udhëzim si të veproj.
Faleminderit!
Përgjigje:
E kuptoj shqetësimin tënd. Kupto se nuk je ti i vetmi që provon këtë vështirësi seksuale. Ka shumë të rinj të tjerë që vuajnë si ti dhe e kanë kapërcyer situatën. Edhe ti do ta kalosh.
Impotenca jote është psikologjike. Merri punët ngadalë. Mos e fillo me vrull marrëdhënien. Mos u shqetëso në se do të kënaqet e dashura jote, ose jo. Mos çaj kokën për asgjë. Mundohu të largosh ankthin e performancës seksuale. Ka shumë proçedura seksterapie që mund të përdoren me shumë efektivitet. Në blogun tim “Seksologu” ju do të gjeni shumë materiale për impotencën, veçanërisht, për impotencën e të rinjve. Lexoji ato me vëmendje.
Po qe se gjendja nuk kalon, mund të përdorësh edhe Viagrën, deri sa te kesh krijuar besimin se nuk ke më probleme me ereksionin. Kujdes! Viagrën duhet ta përdorësh pasi të kesh biseduar me doktorin, dhe të sigurohesh se nuk ke ndonjë arsye shëndetësore, që nuk lejon përdorimin e Viagrës, ose të ndonjërës nga shoqet e saj, siç janë Levitra dhe Cialis.
Merre viagrën një orë para fillimit të marrëdhënies seksuale. Pasi të marrësh Viagrën duhet të filloni lojën seksuale. Gjëja më e mirë që mund të bësh është të takohesh me një Seksterapist.
Të uroj sukses e fat!
Doktori .
