Fëmija që rritet në barkun e nënës të infektuar me HIV, ka rrezik të lartë që të infektohet. Transmetimi i infeksionit nga nëna-tek-fëmija, quhet edhe transmetim vertikal. Në të gjithë botën, rreth 90 përqind e fëmijëve me HIV janë infektuar nga nënat. Nuk do të japim këtu hollësira specifike si ndodh infektimi. Mjafton të themi se transmetimi i infeksionit ndodh nga kontaktit i vazhdueshëm i bebes me gjakun dhe lëngjet e nënës së infektuar gjatë kohës që ai është në uterus.
Sjelljet me Rrezikshmëri të Lartë
Vitet e adoleshencës janë vite të vrullshme eksperimentimi. Të rinjtë zënë miq e mikesha të reja. Provojnë eksperienca dhe ide me shpresë që të zbulojnë më shumë për veten. Ata shkojnë nëpër mbrëmje, në pube, takojnë njerëz dhe luajnë e përqafohen me miqtë e tyre. Si pjesë e procesit të njohjes dhe rritjes së tyre ata mund të marrin? vendime që nuk janë, ndoshta, më të mirat për ta. Fatkeqësisht, ndonjëherë, këto vendime mund ta bëjnë jetën e tyre shumë dramatike.
Me këto që thashë nuk dua të tremb askënd. Përkundrazi,? i solla këto fakte që ata të dinë pasojat e mundshme të veprimeve të tyre dhe të mos mësojnë me mënyrën më të vështirë të post faktit. Shumë adoleshentë nuk besojnë se mund të infektohen, kur infektimi nuk ka ndodhur akoma.
Infektimi
•? ? ? Askush nuk infektohet me AIDS nga ndenjësja e nevojtores.
•? ? ? Doreza e derës që e ka prekur më parë një person me HIV nuk infekton njeri.
•? ? ? Virusi nuk transmetohet me pickimet e insekteve, siç janë mushkonjat.
•? ? ? Nuk ndodh infektimi në një pishinë ku notojnë persona të infektuar me HIV.
•? ? ? Njerëzit nuk infektohen kur punojnë ose kanë miqësi me një të infektuar..
•? ? ? Kush dhuron gjak nuk ka rrezik të infektohet me HIV.
•? ? ? Puthjet, këmbimi i pështymës, përdorimi i të njëjtës pipëz nuk janë me rrezik për infektim me HIV/AIDS.
Por
•? ? ? Ka rrezik të lartë infektimi kur shiringat që përdoren për injektimin e drogave, përdoren nga shumë njerëz pa u pastruar
•? ? ? Ka rrezik të lartë për infektim kur bën seks të pambrojtur me një person të infektuar me HIV.
•? ? ? Ka rrezik të lartë për infektim kontakti me gjakun e dikujt që ka virusin HIV.
