Ka dy lloj përdorues drogash:
a-përdorues rastësorë të drogave, ose siç quhen ndryshe rekreacionalë dhe
b- përdorues të vazhdueshëm të drogave që janë të varur dhe të dhënë pas tyre (dependentë dhe të adiktuar).
Të gjithë këta? mund të infektohen me HIV po qe se përdorin të njëjtat shiringa të papastruara e të pasterilizuara. Soji i substancës që përdoret nuk ka rëndësi për infektimin me HIV. Virusin nuk e mbart droga që përdor, por paisja që përdor për injektim.
Gjysma e grave me AIDS janë infektuar me HIV nga përdorimi i drogave të injektueshme.
Në Shtetet e Bashkuara të Amerikës, përdorimi i drogave, është mënyra kryesore e infektimit të grave me HIV.
Ekspertët mendojnë se kopulimi seksual me një përdorues drogash të injektueshme, është shkaku kryesor për t’u infektuar me HIV. Përdorimi i drogave të injektueshme, është përgjegjësi kryesor (direkt ose indirekt) për shumicën e rasteve me AIDS.
Transmetimi nga nëna tek fëmija
Mesatarisht, njëri nga katër fëmijë të nënave HIV pozitiv, infektohet me HIV.
Një studim i kohëve të fundit konstatoi se rreziku i këtij lloj transmetimi? u pakësua ndjeshëm (nga 25 përqind në 8 përqind) pasi nënat e infektuara me HIV u mjekuan? me ilaçin AZT (azydothymidine) gjatë shtatzënisë dhe aktit të lindjes, ndërkohë që edhe fëmija mjekohet menjëherë pas lindjes.
Këto të dhëna kanë rritur shpresat e mjekëve për të ardhmen.
Transfuzionet e gjakut
Testi për të diktuar HIV-in në gjak u përpunua në vitin 1985.
Fëmija Ryan White që vuante nga hemofilia kishte vdekur.
Më vitin 1992 vdiq Artur Ashe, kampioni i tenisit i cili u infektua nga gjaku që mori kur operoi zëmrën më 1983. Ky lajm tronditi opinionin botëror.
Sot transfuzionet e gjakut janë bërë të sigurta.
Të rrezikuar të tjerë
Janë punonjësit e shëndetësisë, punonjësit e policisë, zjarrfikësit, punonjësit e funeraleve, policët e burgjeve e të tjerë.
