Pyetje:
Jam një vajzë 21 vjec dhe kam kryer marrëdhënie seksuale me të dashurin tim, por unë nuk kam nxjerr një pikë gjak gjatë marrëdhënies dhe nukkam ndjer asnjë kënaqësi përvec se dhimbje jo të forta , si shpjegohet kjo? Ne kemi 1vit e gjysëm të lidhur dhe gjatë gjithë kohës kemi patur fërkime, a mund ta humbësh virgjërinë me fërkime dhe pse nuk ndjej kënaqësi? Faleminderit.
Përgjigje:
Pse e lodh veten me këto mendime. Ti nuk je e virgjer! Ti ke kryer marrëdhënie seksuale dhe një vajzë që kryen marrëdhënie seksuale penetrante nuk është e virgjër.
Ti pyet se pse nuk pate gjak derdhje kur u deflorove(u shkatërrua himeni). Jo të gjitha vajzat gjakosen në marrëdhënien e parë seksuale. Kjo ndodh për disa arsye:
Hymeni elastik që lejon të penetrojë penisi pa u shkatërruar.
Hymen me vrimë të madhe që lejon kalimin e penisit pa u shkatëruar.
Mungesa e vazave të gjakut në zonën ku u gris himeni.
Hymen i shkatërruar kohë më parë prej ushtrimeve gjimnastikore, hipjeve në pemë, në kalë, vendosja e tamponit për menstruacionet, ose futja në vaginë e objekteve të ndryshme gjatë vetë-mastrubimit etj.
Ti do të dish se pse nuk ndjeve kënaqësi seksuale kur humbe virgjërinë. Janë shumë të rralla, në mos nuk ka vajzë që ndjen kënaqësinë seksuale herën e parë. Hera e parë është plot tension emocional, që e pengon arritjen e orgasmës. Marrëdhënia seksuale kryhet midis dy vetave, që për të arritur kënaqësinë seksuale, duhet të jenë të harmonizuar në veprimet e tyre. Ke parë not artistik? Një djalë e një vajzë nuk mund të arrijnë në atë harmonizim koreografik që ditën e parë që kërcejnë në pishinë. Do kohë qe ju të harmonizoheni për të arritur kënaqësinë seksuale. Kënaqësia seksuale nuk është as kur preket himeni, as kur preket klitori dhe vagina. Kënaqësia seksuale realizohet në tru, pas eksitimit seksual në shkallën e duhur. Ja pse shpesh e kam përsëritur, se organi kryesor seksual i vajzave dhe djemve nuk është midis shalëve, por midis veshëve (në tru).
Mësoni dhe praktikohuni të dy bashkë dhe do ta arrini orgasmën. Ju keni përpara shumë kohë për të arritur orgasma të mrekullueshme.
Pac fat e shëndet
Doktori
