Pyetje:
Burri im ka problem me ereksionin. Në marrëdhënie eresksioni ndodh vetëm një herë dhe kjo zgjat për pak minuta. Hera e dytë mund të ndodhë vetëm pas disa orësh pushim. Ju lutem më thoni doktor, është kjo një impotencë e avancuar? Ju lutem të na tregoni se ku të drejtohemi për ta parë më nga afër këtë problem.
Përgjigje:
Nuk mëe thua moshën tënde dhe moshën e burrit tënd dhe sa vjet keni që jeni martuar. Të gjithë burrat duan një kohë të caktuar që pas prishjes së parë të kenë një ereksion tjetër. Kjo kohë është e ndryshme për burra të ndryshëm. Ajo varion nga 15 minuta, në disa orë, në një ditë ose disa ditë. Dhe të gjithë këta burra konsiderohen normale. Në qoftë se ereksioni i parë i burrit është i mirë, arrin të forcohet dhe tendoset mirë, këtu nuk bëhet fjalë për impotencë.
Arritja e orgasmës tek burrat dhe tek gratë, kalon nëpër katër stade, ndonëse ka autorë që flasin për pesë stade, që janë:
1-Faza e tërheqjes seksuale.
2-Faza e platesë.
3-Faza e eksitacionit.
4-Faza e arritjes së orgasmës.
5-Faza refraktare, ku burri nuk përgjigjet ndaj asnjë ngacmimi seksual.(vetëm për burrat)
Lexo në blogun tim “seksologu” në kategorine “Probleme me Orgasmën”
Për ta patur më të qartë këtë që të thashë, po të dërgoj përgjigjen që i kam dërguar një djali, i cili ankohej për këtë problem.
Uroj fat dhe ereksione më të shpeshta për burrin tuaj
Doktori
