Pyetje:
Përshëndetje doktor i nderuar…Së pari ju falenderoj për përgjigjet tuaja dhe për mundësinë që na keni dhënë të informohemi. Problemi im është ky…Kam pak kohë që kam filluar të kryej marrëdhënie seksuale…Jam 30 vjeç dhe gjatë aktit seksual ka raste kur penisi im nuk kalon plotësisht në ereksion po përsëri e derdh spermën…Pastaj ka momente kur e ndaloj aktin seksual.Theksoj se kam pasur trauma në fëmijëri kur u divorcuan? prindërit e mi. Zakonisht bëj seks një herë në javë. Më pëlqen të masturboj dhe e dashura ime ndihet shumë keq kur unë masturboj duke parë filma dhe nuk kam dëshirë për të kryer marrëdhënie…Ju lutem më qartësoni pak për problemin tim .
Përgjigje:
Probleme si këto tëe tuat kanë edhe shumë shokë të tjerë. Unë u kam kthyer përgjigje të gjithëve. Kjo gjëndje, pavarësisht, se ti e shpjegon shumë pak, duket se është diçka emocionale. Ty të pëlqen të masturbosh. Bukur, nuk më thua gjatë masturbacionit, penisi arrin fortësim maksimal. Po natën në gjumë a ndjen se penisi forcohet mirë. Në mëngjes kur ngrihesh nga gjumi, penisi forcohet, apo jo? Po ta përdorësh në mëngjes si varëse për teshat, çfarë mban penisi yt i forcuar, këmishën, pantallonat, apo xhaketën.
Po qe se në këto raste që të përshkrova ti ke ereksion të fortë të penisit, atëherë, impotenca jote është psiko-emocionale. Për këtë lexo në blogun tim në kategorinë “Impotenca”. Në qoftë se je mirë me shëndet, për këtë vizitohu tek doktori yt, mund të përdorësh për provë 50 miligram Viagra, një orë para marrëdhënies seksuale. Shiko efektin e Viagrës. Po qe se ajo e përmirëson gjendjen e ereksionit dhe akti seksual kryhet me performancë normale, më shkruaj përsëri. Por, gjithmonë, Viagrën do ta përdorësh pasi të kesh biseduar me doktorin tënd.
Lidhur me masturbimin para të dashurës, duke parë filma ose materiale pornografike, do të zemëronte çdo vajzë e grua tjetër, jo vetëm dashnoren tënde. Po pse masturbon vetëm dhe nuk masturboni njëri tjetrin. Provoje do të kënaqeni më shumë. Asnjë grua nuk e duron dot një burrë egoist që masturbon dhe e harron atë kur ajo është e eksituar. Këtë mos e bëj më. Përpiquni së bashku ta kapërceni këtë vështirësi. Vështirësitë seksuale kapërcehen me përpjekje të përbashkëta. Impotenca nuk mjekohet vetëm, duhen të luftojnë dy veta kundër impotencës.
Lexo tek blogu im “Seksologu” në kategorinë impotenca, atje do të gjesh shumë material.
Të uroj shëndet e fat
Doktori
