Pyetje:
Përshëndejte doktor, desha tju pyes rreth një dyshimi që kohëve të fundit po më shqetëson shumë , më mirë të them se më është bërë sëmundje. Gjith shoqëria po më thotë që unë kam ndryshuar shumë dhe se kjo gjë shihet qartë se kam një problem. Unë gjithnjë sjelljet? e mia i justifikoj me arsyen se brengosem për provimet pasi jam në fakultet…Virgjiniteti është brenga ime e madhe..Gjith jetën time? kam thënë se hera ime e parë do të jetë diçka e jashtëzakonshme. Të dashurit tim do ti jap gjithçka(pasi nuk kam qënë e lidhur me asnjë djalë jo se nuk kam pasur oferta ,kam pasur shumë madje edhe tani vazhdoj të kem oferta të shumta por asnjëherë nuk kam pasur besim tek meshkujt, per mua shoqëri me pak smpati ka qënë e mjaftueshme) dhe me mastrubim kam qënë e kënaqur por tani brengosem se mos e kam humbur virgjinitetin. Gjatë mastrubimit në vaginë vendosja jastëk, ndonjë top të butë ose bëja bashkë 3 palë çorape dhe i fusja në një? …asnjëherë nuk kam futur as gjë brenda vaginës as nuk kam pasur dhembje apo gjak derdhje ….A është e munder ta kem humbur virgjinitetin?
Përgjigje:
Nuk di çfarë moshe ke, por pavarësisht moshës, të uroj dhe përgëzoj nga zemra për kujdesin që ke treguar për të ruajtur virgjërinë. Virgjëria, për një vajzë që është e determinuar ta ruaj atë sa më gjatë, është vërtetë një vlerë. Një vajzë e virgjër, është krenare, plot dinjitet dhe nuk i nënshtrohet presioneve të atyre që dëshirojnë të mashtrojnë vajzat. Me këtë nuk dua të them se ato vajza që nuk shqetësohen për virgjërinë dhe e humbin atë lehtësisht, janë jo krenare dhe pa dinjitet. Të jesh ose jo e virgjër është një zgjedhje. Dikush zgjedh ta ruajë, kur dikush tjetër zgjedh të mos e ruajë. Ajo që zgjedh ta ruajë virgjërinë, ka zgjedhur t’i thote jo shtatzënisë së padëshiruar, t’i thotë jo sëmundjeve Seksualisht të transmetueshme midis tyre dhe HIV/AIDS, pra ka zgjedhur ta jetojë jetën pa kokëçarje.
Vetë-seksi ose masturbimi, nuk e prish virgjërinë, po qe se nuk fut gjatë masturbimit diçka në vaginën tënde. Të jesh e sigurtë dhe trajtoje veten si virgjëreshë.
Unë nuk jam nga ata që them se duhet ruajtur virgjëria deri në martesë. Unë jam nga ata që them se vajzat nuk duhet të bëjnë, detyrimisht, seks penetrant vaginal përpara moshës 18 vjeç. Seksi vaginal penetrant për vajzat nën 18 vjeç, është me shumë rreziqe dhe pasoja, që këto vajza nuk janë në gjendje t’i përballojnë. Seksi penetrant vaginal është përgjegjëesi e madhe dhe një vajzë nën 18 vjeç nuk është e aftë psiko-emocionalisht ta përballojë këtë përgjegjësi. Vajzat që bëjnë seks të hershëm janë më të rrezikuara për kancerin e qafës së mitrës.
Pas moshës 18 vjeç? çdo vajzë ka të drejtën e saj të zgjedhë ta ruajë ose jo virgjërinë. Sigurisht, të gjitha dhe çdo herë duhet të bëjnë seks të sigurtë dhe të mos bëjnë seks rastësor, ose për një natë.
Edhe një herë e vlerësoj virgjërinë tënde, por kjo duhet të jetë zgjedhje, jo sakrificë e gjatë për të qënë një natë e virgjër.
Uroj shëndet dhe fat
