Pyetje:
Penisi im është pak i shtrembër. Mos kjo është nga masturbimi? Theksoj që masturbohem rreth 3-4 herë në javë.
Përgjigje:
Ti duhet të dish se perfeksioni rrallë gjendet. Në qoftë se penisi kur forcohet dhe tendoset, bën një hark, pra duket si një banane, kjo sëmundje quhet sëmundja e Peroneit.
Kjo gjëndje ka shkallë të ndryshme zhvillimi. Pra, harku që bën penisi mund të jetë i vogël, dhe nuk e pengon funksionin e tij, ndonëse, estetikisht mund të mos jetë komod, deri në rastet kur përkulja e penisit është shumë e madhe që nuk lejon penetrimin e tij në vaginë.
Në rastet kur përkulja pengon funksionin e penisit, këtu duhet të ndërhyet nga ana mjekësore. Kjo gjendje operohet, por duhet ta dish se rezultatet nuk janë shumë të mira.
Shkak për sëmundjen e Peroneit janë cikatrikse të vogla në trupin e penisit, të cilat kur penisi mbushet me gjak e detyrojnë atë të shtrembërohet.
Kjo ndodh, më shpesh, pas frakturave(thyerjeve) të penisit, që janë një urgjencë mjekësore.
Masturbacioni, nuk shkakton lakim të penisit, me përjashtim të rasteve kur gjatë masturbacionit djali e thyen penisin duke e kërcitur me duar, ose kur masturbon duke e shtyrë penisin në dyshek.
Më në fund, në qoftë se vazhdon të kryesh marrëdhënie seksuale, pa vështirësi, mos u shqetëso. Në qoftë se përkulja do të përparojë deri sa të jesh i paaftë të penetrosh penisin tënd në vaginë, atëherë, shko tek një urolog.
Uroj shëndet e fat.
Doktori.
