Pyetje:
Kam lidhje seksuale me një femër.? Problemi? është se ajo? gjatë aktit seksual ka nevojë për urinim saqë nganjëherë ndodh që duhet të ndërpritet akti për shkak të këtij problemi.
1. A është? normale kjo?
Pyetja tjetër është:
2. Në çfarë moshe mund të ngelë femra shtatzënë, po mashkulli në çfarë moshe mund të lërë një femër shtatzënë?
Pres përgjigje sa më shpejt!
Faleminderit.
Përgjigje:
1. Ndjenja e urinimit dhe urgjenca për të urinuar gjatë seksit, nuk është normale. Këtu bëhet fjalë për një infeksion urinar që quhet Infeksioni i Traktit Urinar.
Doktorët këshillojnë që gratë me infeksione urinare të evitojnë seksin deri sa shenjat të kalojnë, pra për afërsisht dy javë. Të bësh seks kur dashnorja është me infeksione urinare, do të thotë që t’i shkaktosh asaj dhimbje nga presioni mbi uretrën ose vezikën urinare të inflamuar. Vetëm dashnorja jote e di se kur do të ndjehet mirë përsëri, kështu që komunikimi me njëri-tjetrin është i domosdoshëm.
Përgjithësisht, infeksionet urinare nuk janë ngjitëse, kështu që, ju nuk do të infektoheni prej saj po qe se vazhdoni të bëni seks. Ndërkaq, ju të dy duhet të dini se po qe se infeksioni urinar është shkaktuar nga ndonjë prej infeksioneve seksualisht të transmetueshme, siç janë Chlamidia ose Trichomonas, ju mund të jeni në rrezik për t’u infektuar me këto sëmundje, po qe se ajo nuk mjekohet për këto infeksione. Të bëni seks të sigurtë me kondom, ndihmon që të pakësohet rreziku që ju të infektoheni në të ardhmen. Deri sa ajo të mjekohet dhe të shërohet, ju duhet të dini se ka plot mënyra të tjera për t’u kënaqur me njëri-tjetrin, si në shtrat dhe jashtë tij.
Dashnorja jote dhe ju duhet të vizitoheni tek ndonjë mjek urolog, i cili do t’u diagnostikojë dhe mjekojë.
Mbani mend seksi duhet të jetë kënaqësi dhe jo dhimbje. lidhur me këtë kërko në Blogun “Seksologu” dhe do të gjeni materiale të vlefshme
2. Mosha kur një vajzë ngelet shtatzënë dhe kur një djalë është i aftë ta lërë një vajzë shtatzënë, është mosha e pubertetit, pra kur vajza? fillon të nxjerrë vezët dhe djali të prodhojë spermatozoidet. Mosha e pubertetit për vajzat fillon më herët se për djemtë. Ndonjëherë që në 9 vjeç për vajzat dhe 14-15 vjeç për djemtë.
Uroj shëndet e fat
Doktori.
