Pyetje:
Doktor,
Kur filloj marrëdhënien seksuale kam përshtypjen se, siç thoni ju, jam plotësisht e lubrifikuar. Por ditën pasi kam bërë seks vaginën e ndjej të thatë dhe të irituar.
Cfarë mund të përdor për të zbutur iritimin?
Faleminderit.
Përgjigje :
Edhe pse duket që vagina është e njomur mjaftueshëm, kur bën interkursë të zgjatur dhe të fuqishme vagina mund të thahet përpara se marrëdhënia seksuale të ketë përfunduar dhe kjo ndodh pa e vënë re gruaja fare. Kur kjo ndodh, dy sipërfaqe të thata fërkohen me njera tjetrën dhe nga fërkimi krijohen gërvishtje të vogla që shkaktojnë enjtje dhe djegje.
Mirë është të përdorni lubrifikant me bazë silikoni, ky është më i mirë për këtë punë nga lubrifikanti me bazë ujore. Efekti i tij zgjat më shumë, e mbulon vaginën më mirë dhe është më i sigurtë kur përdoret me kondomin. Por edhe pasi të keni përdorur këtë lubrifikant, ju mund të keni pak iritacione ose shqetësime pas seksit, herë pas here.
Po qe se kjo ndodh me juve, qëndroni në një banjë me ujë të pastërt të ngrohët për 15 deri 20 minuta sa të zbutet zona. Mos përdorni vajra, lëndë që bëjnë shkumë (banjë me fllucka) dhe mos përdorni sapun.
Të uroj shëndet dhe fat.
Doktori.
