Numri i atyre që infektohen me HIV nga injektimi i drogave është rritur shumë kohët e fundit.
Të infektuarit me HIV e transmetojnë infeksionin tek të tjerët me tre mënyra:
a-duke përdorur age të përbashkëta;
b-me rrugë seksuale;
c- nënat e infektuara e kalojnë? HIV-in tek fëmijët e tyre akoma pa i lindur.
• Po qe se nuk do të përdoren drogat, nuk do të ketë infektim me HIV për arsye që lidhen me to. Seksi i sigurtë dhe heqja dorë nga seksi rastësor, eviton infektimin me HIV nëpërmjet rrugës seksuale. Kush nuk ka përdorur droga, të mos i fillojë ato tani. Drogat që injektohen si kokaina, heroina dhe amfetamina (speed), shkaktojnë edhe vdekje.
• Kush injekton droga është i ekspozuar ndaj tre rreziqeve të mëdha:
1-të infektohet me HIV;
2- Të? ? ? jepet pas drogave ( të adiktohet);
3- Të vdesë nga mbidozimi.
Kush nuk përdor droga, ose është përdorues i rastësishëm i tyre, eviton dhënien pas drogave (adiktcionin), eviton infektimin me HIV dhe eviton vdekjen e hershme.
Për ta arritur këtë objektiv të? rinjtë duhet:
a- Të largohen nga shokët që përdorin droga.
b-Të kërkojnë aktivitete të tjera për të mbushur kohën e tyre.
c-Të kërkojnë konsultim dhe mbështetje për ta mbajtur vendimin që kanë marrë.
• Kush përdor droga rregullisht është në rrezik të madh për t’u infektuar me HIV dhe sëmundje të tjera që merren me anë të gjakut (hepatiti). Nuk është kurrë vonë për të hequr dorë nga droga. Kush ndalon përdorimin e drogës shpëton veten dhe të tjerët. Adiksioni nga drogat është një sëmundje serioze dhe ashtu si alkoolizmi është vështirë të? flaket pa ndihmë. Duhet përkrahje dhe mjekim në spital ose institucion tjetër. Qendrat e trajtimit të të droguarve janë të pamjaftueshme. Të ndalohet menjëherë përdorimi i shiringave të përbashkëta për të injektuar drogën.
• Për ata që nuk e ndalojnë dot përdorimin e drogës dhe të shiringave të përbashkëta, e vetmja mënyrë për të pakësuar rrezikun e infektimit me HIV është pastrimi i shiringave dhe ageve me “chlorine bleach”, përpara dhe pas përdorimit. Të shpëlahen shiringat dhe aget 2 herë me bleach dhe 2 herë me ujë. Kjo është e vetmja mënyrë që vret HIV-in në shiringat dhe aget. Zierja? e këtyre pajisjeve në ujë, ose vetëm djegia e agës në flakën e shkrepëses, nuk e ngordhin virusin.
Mbi 1/3 e njerëzve të diagnostikuar me AIDS janë infektuar me HIV me anë të ageve dhe shiringave të infektuara.