Pyetje:
Doktor, kam një problem . Bashkëshortja ime është shtatzënë në muajin e tretë . Në vizitën që ajo ka kryer , i është këshilluar evitimi i marrëdhënieve seksuale të shpeshta. Theksojme se që bashkëshortja të arrij orgazmën ka vetëm një pozicion (duke e mbajtur në krahë ) pra në këmbë . Ju lutem më jepni një këshillë si duhet të veprojmë?
Përgjigje:
Nuk ka arsye të sakrifikoni kënaqësinë seksuale, vetëm, se prisni një fëmijë. Seksi vaginal, përgjithësisht, është i? sigurtë gjatë shtatzënisë, edhe pse një doktor mund t’u ketë këshilluar ndryshe. (doktorët të parën gjë që u ndalojnë është seksi!).
Doktori mund ta ndalojë seksin, kur ka rrezik për lindje para kohe, ose kur gruaja ka hemorragji vaginale të pashpjegueshme. Kur gruaja shtatzënë nuk ka nga këto shqetësime, çifti bën mirë t’i gëzojë këto nëntë muaj me seks, të çliruar nga shqetësimet e shtatzënisë të padëshiruar! Ju duhet të dini, se të gjitha pozicionet për seks janë të sigurta gjatë shtatzënisë. Kështu, varet nga ju të dy të përcaktoni se cilat pozicione për seks janë më të përshtatshmet? dhe më të kënaqshmet për ju.
Ka edhe diçka që duhet ta keni parasysh. Edhe pse seksi dhe orgasma nuk kanë gjasa të nxisin lindjet para kohe, ose të dëmtojnë beben, i cili është, natyralisht, i mbrojtur prej qeses? amniotike në uterus dhe prej tapës mukoze që bllokon qafën e mitrës gjatë shtatzënisë, ka disa aktivitete seksuale që nuk është mirë të ushtrohen.
Cilat janë këto aktivitete?
1-? Seksi anal. Gjatë seksit anal mund të futen baktere nga rektumi në vaginë dhe këto baktere mund të prekin edhe fëmijën që po rritet brenda nënës.
2- Kujdes me seksin oral.? Disa burra kur bëjnë seks oral tek gratë, kanë zakon të fryjnë ajër në vaginën e gruas. Kjo është një praktikë e rrezikshme, veçanërisht, në gratë shtatzëna. Fryrja e ajrit në vaginë dëmton fetusin, por në disa raste kjo mund të shkaktojë bllokimin e enëve të gjakut(emboli arteriale), që mund të jetë me rrezik për jetën e gruas shtatzënë dhe fëmijës së saj. Por edhe kur gruaja e merr në gojë penisin e burrit (fellatio),? kapërdimja e spermës së burrit, mund t’i shtojë të përzierat, që janë karakteristike tek gratë shtatzëna.
3- Kujdes për Sëmundjet Infektive Seksuale. Edhe kur nuk keni frikë nga shtatzënia, ju duhet të dini se marrëdhëniet seksuale të pambrojtura, rrezikojnë për? Sëmundjet Infektive Seksuale, të cilat janë, veçanërisht, të dëmshme për fëmijën. Për të parandaluar transmetimin e këtyre sëmundjeve, gruaja shtatzënë duhet të përdorë kondomet çdo herë që bën seks me një partner të ri, me partnerë që bëjnë seks edhe me gra të tjera (poligami), ose me partnerë të infektuar? me SIS, siç mund të jetë edhe burri i saj, ose me partnerë? që nuk u dihet statusi për këto sëmundje.
Siç dihet, një miriadë hormonesh rrjedh në trupin e gruas shtatzënë. Kjo bën, që dëshira e saj për seks të ndryshojë dramatikisht,? gjatë këtyre nëntë muajve. Mbi të gjitha, ju duhet të dini, se diskomforti fizik dhe ndryshimet psikologjike që vinë nga shtatzënia, influencojnë në dëshirën për seks të nënës së ardhshme. Kështu, kur gruaja shtatzënë ndjen se është në formë të mirë për seks, ajo duhet të marrë avantazhin dhe të jetë krijuese!
Bëni seks:
• Anë më anë nga prapa, pra vendosuni si lugët në sirtar.
• Në pozicionin gruaja sipër, që të evitoni shtypjen mbi barkun e saj.
• Duke e vendosur gruan me të ndenjura në fund të krevatit, ndërsa burri në këmbë.
• Mos harroni, seks nuk do të thotë vetëm interkursë!
• Masturbimi reciprok mund të jetë shumë i pëlqyer nga të dy.
• Shtatzënia mund të jetë një kohë e mrekullueshme, për të eksperimentuar forma të tjera të kontaktit seksual dhe nxehjes seksuale, siç është edhe pozicioni për seks që preferon gruaja jote.
Po qe se akoma jeni të shqetësuar për jetën seksuale, bisedoni me Obstetrin, ose një doktor tjetër.
Disa gra ndjejnë, se dëshira për seks u rritet gjatë shtatzënisë. Kjo ndodh sepse rritet fluksi i gjakut? në organet e tyre të riprodhimit. Duke u nisur nga këto të dhëna anatomo -fiziologjike, ajo që do t’u këshilloja është : “ Largoni frikën dhe i shikoni këto nëntë muaj si një kohë për t’u lidhur më fort me njëri-tjetrin dhe ta jetoni? jetën si, kurrë, më parë”.
Uroj fat, shëndet dhe një bebe të mbarë.
Doktori