Pyetje:
Përshëndetje Dr.Harxhi , jam një gocë nga tirana dhe dua të të shpreh një shqetësim…Pasi kam kryer marrëdhënie me të dashurin tim …vagina për rreth ka filluar të më kruhet në një grad shumë të lartë, lafsha më është enjtur dhe më dhemb shumë. Jam shumë e shqetësuar sepse kam frikë se mund të kem marr ndonjë infeksion…jam shumë e habitur sepse kjo nuk është hera e parë që kam kryer marrëdhënie me këtë person, dmth me te dashurin tim..por kam frikë dhe dyshoj se vaska ku kemi kryer marrëdhënie nuk ka qenë shumë e pastër dhe mund të kem marr ndonjë mikrob që më ka shkaktuar ndonjë infeksion… të lutem më thuaj çfarë mund të kem edhe ku mund të vizitohem, tek çfarë lloj mjeku ? …Ju faleminderit!
Përgjigje:
Ka shumë mundësi të jesh infektuar. Ju nuk keni përdorur kondomin, pra keni bërë seks të pambrojtur.
Çdo infeksion mund të ndodhë kur bën seks të pambrojtur. Ti thua se ke bërë edhe herë tjetër seks me të dashurin tënd dhe nuk ke patur shqetësime të tilla.
A je ti e sigurtë se djali jot nuk ka shkuar ditët e fundit me një vajzë tjetër që është e infektuar dhe mikrobet e saj t’i solli ty si dhuratë.
Mos bëni seks pa kondom.
Tani shkoni të vizitoheni të dy tek një mjek infeksionist, gjinekolog ose dermatolog. Bëni të dy analizat dhe po qe se zbulohet shkaktari, mjekohuni të dy, në të njëjtën kohë.
Po qe se mjekohesh vetëm ti, djali përsëri do të të infektojë, po qe se nuk mjekohet edhe ai. Përdorni një kondom të ri, sa herë që bëni interkursë.
Në këtë blog ka shumë materiale për infeksionet seksuale. Kërkoi dhe lexojini të dy sëbashku.
Uroj shëndet e fat.
Doktori