Aktiviteti i hershëm seksual është i zakonshëm për fëmijët e rrugës, për adoleshentët që kanë lënë shtëpitë, ose që janë abandonuar nga familjet e tyre. Shumë adoleshentë kudo në botë, ashtu si dhe tek ne, i kalojnë ditët dhe netët në parqe, në ndërtesa të abandonuara, nën ura, në institucione të keqmenaxhuara dhe në rrugët e qyteteve. Jeta e përditshme për një adoleshent pa shtëpi është e ashpër, e rrezikshme dhe shpesh e lodhshme.
Shumë prej tyre përdorin droga dhe alkool për të mpirë dhimbjen dhe të çlirohen nga monotonia e jetës. Duke jetuar ditë pas dite vetëm, këta adoleshentë janë në mëshirë të të tjerëve, për nevojat e tyre bazë. Si rezultat i kësaj ata shpesh bëhen “miq” të të rriturve dhe adoleshentëve të tjerë keqbërës. Ndonëse janë të “zgjuarit” e rrugës, shumë prej tyre bëhen viktima të krimit, të abuzimit, të shfrytëzimit seksual, të drogave, të kequshqyerjes dhe të një numri të madh sëmundjesh. Të gjendur pa mbështetje financiare dhe emocionale, disa prej tyre, e shkëmbejnë seksin për para, për strehim, për ushqim dhe për afeksion. Por seksi që kryhet për të mbijetuar, rrallë është i sigurtë. Këta të rinj në një përqindje të lartë vuajnë nga Sëmundjet Infektive Seksuale dhe janë në rrezik të lartë për infektimin me HIV.
AIDS është tani shkaku kryesor i vdekjes për moshat 25-44 vjeç në shumë vende të zhvilluara të botës.
Rreziku i infektimit me HIV është rritur shumë prej seksit të shpeshtë, të pa mbrojtur dhe me shumë partnerë. Përdorimi i drogave, i alkoolit dhe prania e SIS e shtojnë shumë rrezikun e infektimit me HIV. Të gjitha këto faktorë së bashku sjellin “fatkeqësinë tragjike ”
