Pyetje:
Përshëndetje doktor!
Doja të dija:
1.Në sa pozicione mund të kryesh marrëdhënie me partnerin tënd, ndikon kjo negativisht për shëndetin apo diçka tjetër?
2.Cili është ndryshimi ndërmjet misionarit dhe seksit me pozicione?
Përgjigje:
Pozicionet për të bërë seks janë të shumta, sa më shumë fantazi të kenë dy të rinj, aq më shumë pozicione për seks sajojnë. Në një libër përshkruhen rreth 365 pozicione për seks.
Nuk ka asnjë pasojë negative për shëndetin, pozicioni me të cilin ju bëni seks. Kuptohet kur nuk i bëni partnerit tortura, dhe pozicione të trupit që të asfiksojnë, ose të thyejnë ndonjë pjesë të trupit. Sado-mazohizmi, pra të ndjesh dhimbje për vete dhe t’i shkaktosh dhimbje partnerit, ndonse ka njerëz që e praktikojnë, nuk është i lejuar, veçanërisht, kur bëhet pa pëlqimin e njërit partner.
Seksi duhet të jetë kënaqësi dhe çdo pozicion seksual që të jep kënaqësi është i justifikuar dhe i pranuar.
Pozicioni misionar, është pozicioni burri sipër. Quhet misionar sepse këtë pozicion e përhapën misionarët, që shkuan në ishujt e pacifikut. Vendasit përdornin për seks, kryesisht, pozicionin gruaja sipër, misionarët për të treguar dominimin mbi gratë edhe gjatë aktit seksual, propaganduan pozicionin misionar.
Edhe një herë, bëni seks në çdo pozicion, madje edhe të varur në lampadarin e dhomës, po qe se kështu ju pëlqen dhe kënaqeni.
Uroj fat dhe shëndet
Doktori